“ಐಪಿಎಲ್‌ ತಾಣ ನಿರ್ಧಾರವಾಗಿಲ್ಲ’

ಹೊಸದಿಲ್ಲಿ: ಐಪಿಎಲ್‌ 2021ರ ಆವೃತ್ತಿಯ ಹರಾಜು ಪ್ರಕ್ರಿಯೆ ಈಗಾಗಲೇ ಮುಗಿದಿದೆ. ಆದರೆ ಕೂಟದ ಆರಂಭ ಮತ್ತು ಐಪಿಎಲ್‌ ತಾಣಗಳ ಬಗ್ಗೆ ಸಾಕಷ್ಟು ಚರ್ಚೆ ನಡೆಯುತ್ತಿದೆ. ಐಪಿಎಲ್‌ ಫ್ರಾಂಚೈಸಿಗಳು ಗೊಂದಲದಲ್ಲಿವೆ. ಇದೀಗ ಎಲ್ಲದಕ್ಕೂ ಪರಿಹಾರ ನೀಡಲು ಐಪಿಎಲ್‌ ಆಡಳಿತ ಮಂಡಳಿ ಮುಂದಾಗಿದೆ.

ಈ ಬಗ್ಗೆ ಐಪಿಎಲ್‌ ಮುಖ್ಯಸ್ಥ ಬೃಜೇಶ್‌ ಪಟೇಲ್‌ ಪ್ರತಿಕ್ರಿಯೆ ನೀಡಿದ್ದು, ಫ್ರಾಂಚೈಸಿಗಳ ಗೊಂದಲಗಳಿಗೆ ಪರಿಹಾರ ನೀಡಲು ಶೀಘ್ರದಲ್ಲೇ ಸಭೆ ನಡೆಸಿ ಪಂದ್ಯಗಳ ತಾಣಗಳನ್ನು ಇತ್ಯರ್ಥಗೊಳಿಸಲಾಗುವುದು ಎಂದಿದ್ದಾರೆ.

“ಐಪಿಎಲ್‌ ಆಡಳಿತ ಮಂಡಳಿಯ ಸಭೆಯ ದಿನಾಂಕ ಇನ್ನೂ ಖಚಿತಪಡಿಸಿಲ್ಲ. ಇದು ವರ್ಚುವಲ್‌ ಸಭೆಯೂ ಆಗಬಹುದು. ಈ ಬಗ್ಗೆ ಎಲ್ಲ ಪ್ರಾಂಚೈಸಿಗಳಿಗೆ ಮಾಹಿತಿ ನೀಡುತ್ತೇವೆ. ಆದ್ದರಿಂದ ಊಹಾಪೋಹದ ಸುದ್ದಿಗಳಿಗೆ ಪ್ರಾಂಚೈಸಿಗಳು ಕಿವಿಗೊಡಬಾರದು’ ಎಂದು ಬೃಜೇಶ್‌ ಪಟೇಲ್‌ ಹೇಳಿದ್ದಾರೆ.