ಉದ್ಯೋಗ ಖಾತ್ರಿ ಕೂಲಿ ಹಣ ನೀಡುವಂತೆ ಒತ್ತಾಯ

ಹರಪನಹಳ್ಳಿ: ಉದ್ಯೋಗ ಖಾತ್ರಿ ಯೋಜನೆಯಡಿ ಕೆಲಸ ನಿರ್ವಹಿಸಿದ ತಾಲೂಕಿನ ತೊಗರಿಕಟ್ಟಿ ಹಾಗೂ ಗೋವೇರಹಳ್ಳಿ ಗ್ರಾಮದ ಕೂಲಿ ಕಾರ್ಮಿಕರಿಗೆ ಕೂಲಿ ಹಣ ನೀಡುವಂತೆ ಆಗ್ರಹಿಸಿ ಕೂಲಿ ಕಾರ್ಮಿಕರು ಪಟ್ಟಣದ ತಾಲೂಕು ಪಂಚಾಯಿತಿ ಆವರಣದಲ್ಲಿ ಸೋಮವಾರ ಪ್ರತಿಭಟನೆ ನಡೆಸಿದರು.

ತೊಗರಿಕಟ್ಟಿ ಹಾಗೂ ಗೋವೇರಹಳ್ಳಿ ಗ್ರಾಮದ ಕೂಲಿ ಕಾರ್ಮಿಕರು ಉದ್ಯೋಗ ಖಾತ್ರಿ ಯೋಜನೆ ಅಡಿಯಲ್ಲಿ ಕಳೆದ ಒಂದು ವರ್ಷದ ಹಿಂದೆ ಮಾಡಿದ್ದ ಕೂಲಿ ಕೆಲಸದ ಹಣ ನೀಡಲು ಇಂದಿಗೂ ಅಧಿಕಾರಿಗಳು ವಿಳಂಬ ಮಾಡುತ್ತಿದ್ದಾರೆ. ಈ ಕೂಡಲೇ ಕೂಲಿ ಹಣ ನೀಡಬೇಕು ಎಂದು ಒತ್ತಾಯಿಸಿದರು.

ಈ ಸಂದರ್ಭದಲ್ಲಿ ಕೂಲಿ ಕಾರ್ಮಿಕರ ಸಂಘದ ಅಧ್ಯಕ್ಷೆ ಬಿ. ಭಾಗ್ಯಮ್ಮ, ಮುಖಂಡರಾದ ಎ. ಶ್ರುತಿ, ಸರೋಜ, ಮಲ್ಲಮ್ಮ, ಮಂಜಮ್ಮ, ಗೋಣಿಬಸಪ್ಪ, ಗಂಗಮ್ಮ, ಶಕುಂತಲಮ್ಮ, ಕೆಂಚಮ್ಮ, ಹನುಮಂತಪ್ಪ, ಸೋಮಶೇಖರ್‌, ಶಾಂತಮ್ಮ ಇತರರು ಇದ್ದರು.