ಜಾಹೀರಾತುದಾರರ ಬಗ್ಗೆ ಮಾಹಿತಿ: ಫೇಸ್‌ಬುಕ್‌

ಹೊಸದಿಲ್ಲಿ: ಲೋಕಸಭೆ ಚುನಾವಣೆಗೂ ಮುನ್ನ ಸಾಮಾಜಿಕ ಅಂತರ್ಜಾಲ ತಾಣ ಫೇಸ್‌ಬುಕ್‌, ರಾಜಕೀಯ ಜಾಹೀರಾತುಗಳಲ್ಲಿ ಜಾಹೀರಾತು ನೀಡಿದವರ ವಿವರವನ್ನೂ ಪ್ರದರ್ಶಿಸಲಿದೆ. 

ಈ ಹೊಸ ನೀತಿ ಗುರುವಾರದಿಂದಲೇ ಜಾರಿಗೆ ಬಂದಿದ್ದು, ಜಾಹೀರಾತಿನ ಒಂದು ಮೂಲೆಯಲ್ಲಿ ಪ್ರಕಟಿಸಿದವರು ಅಥವಾ ಪಾವತಿ ಮಾಡಿದವರು ಎಂದು ಬರೆದು ನಂತರ ಯಾವ ಪಕ್ಷ ಅಥವಾ ವ್ಯಕ್ತಿ ಆ ಜಾಹೀರಾತನ್ನು ನೀಡಿದೆಯೋ ಅವರ ಹೆಸರನ್ನು ನಮೂದಿಸಲಾಗಿರುತ್ತದೆ. ಈ ಮೂಲಕ, ಜನರಿಗೆ ಜಾಹೀರಾತಿನ ಬಗ್ಗೆ ಸಮಗ್ರ ಮಾಹಿತಿ ನೀಡಲಿದೆ. ಅಷ್ಟೇ ಅಲ್ಲ, ಎಲ್ಲ ಜಾಹೀರಾತುಗಳನ್ನು ಹುಡುಕುವ ಅವಕಾಶವನ್ನೂ ಒದಗಿಸಲಿದೆ. ಇದರೊಂದಿಗೆ  ರಾಜಕೀಯ ಜಾಹೀರಾತು ನೀಡಲು ನೋಂದಣಿ ಕಡ್ಡಾಯವಾಗಿ ರಲಿದೆ.

ಮಿತಿ ಹೇರಲಿರುವ ಜರ್ಮನಿ: ಫೇಸ್‌ಬುಕ್‌ ತನ್ನ ಹಾಗೂ ಅಂಗಸಂಸ್ಥೆಗಳಿಂದ ಡೇಟಾ ಸಂಗ್ರಹ ಮಾಡಲು ಜರ್ಮನಿಯು ಮಿತಿ ಹೇರಲು ನಿರ್ಧರಿಸಿದೆ. ಫೇಸ್‌ಬುಕ್‌ ಬಳಕೆದಾರರು ಬಯಸದಿದ್ದರೆ, ಅವರ ಮಾಹಿತಿಯನ್ನು ಸಂಗ್ರಹಿಸಲೂ ಬಾರದು ಎಂದು ಫೇಸ್‌ಬುಕ್‌ಗೆ ಜರ್ಮನಿ ಸರಕಾರವು ನಿರ್ಬಂಧ ವಿಧಿಸಲಿದೆ.