Indira Canteen: ಸಚಿವ ರಹೀಂ ಖಾನ್‌ಗೆ ಹೊಟೇಲ್‌ ಊಟ!

ಶಿವಮೊಗ್ಗ: ಇಂದಿರಾ ಕ್ಯಾಂಟೀನ್‌ಗೆ ಭೇಟಿ ನೀಡಿದ್ದ ಪೌರಾಡಳಿತ ಸಚಿವ ರಹೀಂ ಖಾನ್‌ ಅವರಿಗೆ ಬೇರೆ ಹೊಟೇಲ್‌ನಿಂದ ಊಟ ತರಿಸಿ ಕೊಟ್ಟಿದ್ದಾರೆ ಎಂಬ ಆರೋಪ ಕೇಳಿ ಬಂದಿದೆ. ತನಗೂ ಅನುಮಾನ ಬಂದಿದ್ದು, ಪರಿಶೀಲಿಸಿ ತಪ್ಪಿತಸ್ಥರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಅಧಿಕಾರಿಗಳಿಗೆ ಸೂಚಿಸಿದ್ದೇನೆ ಎಂದು ಸಚಿವ ರಹೀಂಖಾನ್‌ ತಿಳಿಸಿದ್ದಾರೆ.

ಪೌರಾಡಳಿತ ಸಚಿವರು ಬರುವುದು ಮೊದಲೇ ಗೊತ್ತಿ ದ್ದುದರಿಂದ ಕ್ಯಾಂಟೀನನ್ನು ತೊಳೆದು ಚೆನ್ನಾಗಿ ಅಲಂಕಾರ ಮಾಡಲಾಗಿತ್ತು. ಸಚಿವರಿಗೆಂದೇ ಚಪಾತಿ, ಅನ್ನ-ಸಾಂಬಾರು, ಪಲ್ಯ ವ್ಯವಸ್ಥೆ ಮಾಡಲಾಗಿತ್ತು. ಕೆಲವರು ಅಲ್ಲೇ ಅನುಮಾನ ಸಹ ವ್ಯಕ್ತಪಡಿಸಿದ್ದರು.

ಪಾಲಿಕೆ ಸಭಾಂಗಣದ ಸಭೆ ಮುಗಿಸಿ ಹೊರಬಂದ ಸಚಿವರು ಸುದ್ದಿಗಾರರೊಂದಿಗೆ ಮಾತನಾಡಿ, ಅದು ಹೊಟೇಲ್‌ ಊಟ ಎಂಬ ಅನುಮಾನ ಇದೆ. ಅವರ ವಿರುದ್ಧ ಪರಿಶೀಲಿಸಿ ಕ್ರಮ ಕೈಗೊಳ್ಳಲು ತಿಳಿಸಿದ್ದೇನೆ ಎಂದರು.