Indira Award: ಚಿಲಿ ಮಾಜಿ ಅಧ್ಯಕ್ಷೆ ಮಿಶೆಲ್‌ಗೆ ಇಂದಿರಾ ಗಾಂಧಿ ಶಾಂತಿ ಪ್ರಶಸ್ತಿ

ಹೊಸದಿಲ್ಲಿ: ಚಿಲಿಯ ಮಾಜಿ ಅಧ್ಯಕ್ಷೆ ಮಿಶೆಲ್‌ ಬ್ಯಾಚಲೆಟ್‌ ಅವರಿಗೆ 2024ನೇ ಸಾಲಿನ ಪ್ರತಿಷ್ಠಿತ ಇಂದಿರಾ ಗಾಂಧಿ ಶಾಂತಿ, ನಿಶ್ಯಸ್ತ್ರೀಕರಣ ಮತ್ತು ಅಭಿವೃದ್ಧಿ ಪ್ರಶಸ್ತಿ ಘೋಷಣೆಯಾಗಿದೆ.

ಮಾನವಹಕ್ಕು , ಜಾಗತಿಕ ಶಾಂತಿ, ಸಮಾನತೆ ಹಾಗೂ ಭಾರತ – ಚಿಲಿ ನಡುವಿನ ಸಂಬಂಧ ವೃದ್ಧಿ­ಗಾಗಿ ಮಿಶೆಲ್‌ ನೀಡಿದ ಕೊಡುಗೆ­ಗಳನ್ನು ಗೌರವಿಸಿ ಈ ಪ್ರಶಸ್ತಿ ನೀಡಲಾ­ಗುತ್ತಿದೆ ಎಂದು ಇಂದಿರಾ ಗಾಂಧಿ ಸ್ಮಾರಕ ಟ್ರಸ್ಟ್‌ ಹೇಳಿದೆ. ಮಾಜಿ ವಿದೇಶಾಂಗ ಕಾರ್ಯದರ್ಶಿ ಶಿವಶಂಕರ್‌ ಮೆನನ್‌ ನೇತೃತ್ವದ ತೀರ್ಪುಗಾರರ ಸಮಿತಿ ಈ ಆಯ್ಕೆ ಮಾಡಿದೆ.