ಸೋನಿತ್‌ಪುರ: ಅಸ್ಸಾಂನಲ್ಲಿ ಭಾರತದ ಅತ್ಯಂತ ಹಳೆಯ ದೇಶೀಯ ಏಷ್ಯಾಟಿಕ್ ಆನೆ ಸೋಮವಾರ ಸಾವನ್ನಪ್ಪಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.ಆನೆಯ ವಯಸ್ಸು 89 ವರ್ಷ ಎಂದು ಅಂದಾಜಿಸಲಾಗಿದೆ.
ವಯೋಸಹಜ ಸಮಸ್ಯೆಗಳಿಂದಾಗಿ ಬಿಜುಲಿ ಪ್ರಸಾದ್ ಎಂಬ ಭವ್ಯ ಜಂಬೋ ಬೆಳಗಿನ ಜಾವ 3.30 ರ ಸುಮಾರಿಗೆ ದಿ ವಿಲಿಯಮ್ಸನ್ ಮಾಗೊರ್ ಗ್ರೂಪ್‌ನ ಬೆಹಾಲಿ ಟೀ ಎಸ್ಟೇಟ್‌ನಲ್ಲಿ ಕೊನೆಯುಸಿರೆಳೆದಿದೆ.
ಬಿಜುಲಿ ಪ್ರಸಾದ್ ಒಂದಿಗೆ ಒಡನಾಟ ಹೊಂದಿರುವ ಪ್ರಾಣಿ ಪ್ರಿಯರು, ಚಹಾ ತೋಟದ ಕೆಲಸಗಾರರು ಮತ್ತು ಸ್ಥಳೀಯರು ಸೇರಿದಂತೆ ಅನೇಕ ಜನರು ಪಾಚಿಡರ್ಮ್ ಸಾವಿಗೆ ಸಂತಾಪ ಸೂಚಿಸಿದ್ದಾರೆ. “ಬಿಜುಲಿ ಪ್ರಸಾದ್ ವಿಲಿಯಮ್ಸನ್ ಮಾಗೊರ್ ಗ್ರೂಪ್‌ಗೆ ಹೆಮ್ಮೆಯ ಸಂಕೇತವಾಗಿತ್ತು. ಇದನ್ನು ಮೊದಲು ಬಾರ್‌ಗಾಂಗ್ ಟೀ ಎಸ್ಟೇಟ್‌ಗೆ ಕರುವಾಗಿ ತರಲಾಗಿತ್ತು ನಂತರ ಬಾರ್‌ಗಾಂಗ್ ಟೀ ಎಸ್ಟೇಟ್ ಅನ್ನು ಕಂಪನಿಯು ಮಾರಾಟ ಮಾಡಿದ ನಂತರ ಇಲ್ಲಿಗೆ ಸ್ಥಳಾಂತರಿಸಲಾಯಿತು ಎಂದು ಚಹಾ ತೋಟದ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಪದ್ಮಶ್ರೀ ಪ್ರಶಸ್ತಿ ಪುರಸ್ಕೃತ ಮತ್ತು ಪ್ರಸಿದ್ಧ ಆನೆ ಶಸ್ತ್ರಚಿಕಿತ್ಸಕ ಡಾ ಕುಶಾಲ್ ಕೊನ್ವರ್ ಶರ್ಮಾ ಪಿಟಿಐ ನೊಂದಿಗೆ ಮಾತನಾಡಿ “ನನಗೆ ತಿಳಿದಂತೆ ಬಿಜುಲಿ ಪ್ರಸಾದ್ ಭಾರತದ ಅತ್ಯಂತ ಹಳೆಯ ಸಾಕು ಆನೆ.” ಸಾಮಾನ್ಯವಾಗಿ, ಏಷ್ಯಾದ ಕಾಡು ಆನೆಗಳು 62-65 ವರ್ಷಗಳವರೆಗೆ ಬದುಕುತ್ತವೆ, ಆದರೆ ಸಾಕುಪ್ರಾಣಿಗಳು ಸರಿಯಾದ ಕಾಳಜಿಯೊಂದಿಗೆ ಸುಮಾರು 80 ವರ್ಷಗಳವರೆಗೆ ಬದುಕುತ್ತವೆ ಎಂದು ಹೇಳಿದರು.
“ಸುಮಾರು 8-10 ವರ್ಷಗಳ ಹಿಂದೆ ಅದರ ಎಲ್ಲಾ ಹಲ್ಲುಗಳು ಬಿದ್ದ ನಂತರ, ಬಿಜುಲಿ ಪ್ರಸಾದ್ ಏನನ್ನೂ ತಿನ್ನಲು ಸಾಧ್ಯವಾಗಲಿಲ್ಲ ಮತ್ತು ಸಾಯುವ ಹಂತದಲ್ಲಿತ್ತು. ನಂತರ ನಾನು ಅಲ್ಲಿಗೆ ಹೋಗಿ ಚಿಕಿತ್ಸೆ ನೀಡಿದ್ದೇನೆ. ಎಲ್ಲಾ ಸಾಮಾನ್ಯ ಆಹಾರವನ್ನು ಬದಲಾಯಿಸಿ ಹೆಚ್ಚಿನ ಪ್ರೋಟೀನ್ ಮೌಲ್ಯವುಳ್ಳ ಅಕ್ಕಿ ಮತ್ತು ಸೋಯಾಬೀನ್‌ನಂತಹ ಹೆಚ್ಚಾಗಿ ಬೇಯಿಸಿದ ಆಹಾರವನ್ನು ಪ್ರಾರಂಭಿಸಲಾಯಿತು. ಇದು ಅವರ ಆಯುಷ್ಯವನ್ನು ಹೆಚ್ಚಿಸಿತು ಎಂದು ಹೇಳಿದರು.
ಆನೆಗೆ ಪ್ರತಿದಿನ ಸುಮಾರು 25 ಕೆಜಿ ಆಹಾರವನ್ನು ನೀಡಲಾಗುತ್ತಿತ್ತು ಎಂದು ಬೆಹಾಲಿ ಟೀ ಎಸ್ಟೇಟ್‌ನ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
