ದೇಶದ ಮೊದಲ ಇ-ಡಬಲ್‌ ಡೆಕ್ಕರ್‌ ಎ.ಸಿ. ಬಸ್‌ ಅನಾವರಣ

ಮುಂಬೈ: ದೇಶದ ಮೊದಲ ಎಲೆಕ್ಟ್ರಿಕ್‌ ಡಬಲ್‌ ಡೆಕ್ಕರ್‌ ಹವಾ ನಿಯಂತ್ರಿತ ಬಸ್‌ ಅನ್ನು ಕೇಂದ್ರ ಹೆದ್ದಾರಿ ಮತ್ತು ರಸ್ತೆ ಸಾರಿಗೆ ಸಚಿವ ನಿತಿನ್‌ ಗಡ್ಕರಿ ಗುರುವಾರ ಅನಾವರಣಗೊಳಿಸಿದ್ದಾರೆ. ಈಗಾಗಲೇ ಇಐವಿ 12 ಹೆಸರಿನ ಎಲೆಕ್ಟ್ರಿಕ್‌ ಬಸ್ಸುಗಳನ್ನು ತಯಾರಿಸಿರುವ ಸ್ವಿಚ್‌ ಸಂಸ್ಥೆ ಈ ಇಐವಿ 22 ಬಸ್ಸನ್ನು ತಯಾರಿಸಿದೆ. ಇದೇ ರೀತಿಯ ಒಟ್ಟು 200 ಬಸ್ಸುಗಳನ್ನು ಮುಂಬೈನ ನಗರ ಸಾರಿಗೆಯಾಗಿರುವ “ಬೆಸ್ಟ್‌’ ಖರೀದಿಸಲಿದೆ.

ಬಸ್ಸನ್ನು ಅನಾವರಣಗೊಳಿಸಿ ಮಾತನಾಡಿದ ಸಚಿವ ಗಡ್ಕರಿ, “ದೇಶದ ಸಾರಿಗೆ ವ್ಯವಸ್ಥೆಯನ್ನು ಬದಲಿಸುವ ಅವಶ್ಯಕತೆಯಿದೆ. ಎಲೆಕ್ಟ್ರಿಕ್‌ ವಾಹನಗಳ ಬಳಕೆ ಹೆಚ್ಚಾಗಬೇಕಿದೆ’ ಎಂದು ತಿಳಿಸಿದರು. ಈ ಡಬಲ್‌ ಡೆಕ್ಕರ್‌ ಬಸ್ಸಿನಲ್ಲಿ 65 ಮಂದಿ ಪ್ರಯಾಣಿಸುವ ಸಾಮರ್ಥ್ಯವಿದ್ದು, ಒಮ್ಮೆ ಸಂಪೂರ್ಣ ಚಾರ್ಜ್‌ ಮಾಡಿದರೆ 250ಕಿ.ಮೀ.ವರೆಗೆ ಪ್ರಯಾಣಿಸಬಲ್ಲದು ಎಂದು ಸ್ವಿಚ್‌ ಸಂಸ್ಥೆ ಹೇಳಿಕೊಂಡಿದೆ.