ಭಾರತದವರಿಗೆ ವೀಸಾ ಸುಗ್ಗಿ

ವಾಷಿಂಗ್ಟನ್‌: ಅಮೆರಿಕದಲ್ಲಿ ತಾಂತ್ರಿಕ ವೃತ್ತಿ ಕುಶಲಿಗರಿಗೆ ನೀಡಲಾಗುವ ಒಟ್ಟು ಎಚ್‌-1ಬಿ ವೀಸಾಗಳ ಪೈಕಿ ಶೇ.74ರಷ್ಟು ಭಾರತೀಯರಿಗೇ ನೀಡಲಾಗಿದೆ. 2016ಕ್ಕೆ ಸಂಬಂಧಿಸಿದ ಮಾಹಿತಿ ಇದಾಗಿದ್ದು, 2017ರಲ್ಲಿ ಅದರ ಪ್ರಮಾಣ ಶೇ.75.6ಕ್ಕೆ ಏರಿಕೆಯಾಗಿದೆ ಎಂದು ಅಮೆರಿಕ ಪೌರತ್ವ ಮತ್ತು ವಲಸೆ ಸೇವಾ ವಿಭಾಗದ ವರದಿ ತಿಳಿಸಿದೆ. ಆದರೆ ಭಾರತದಿಂದ ಹೊಸತಾಗಿ ಎಚ್‌-1ಬಿ ವೀಸಾ ಕೋರಿ ಕಡಿಮೆ ಅರ್ಜಿ ಸಲ್ಲಿಕೆಯಾಗಿವೆ. ಚೀನದಿಂದ 2016 ಮತ್ತು 2017ರಲ್ಲಿ ಕ್ರಮವಾಗಿ ಶೇ.9.3, ಶೇ.9.4ರಷ್ಟು ಸಲ್ಲಿಕೆ ಆಗಿವೆೆ. 2017ರಲ್ಲಿ ಆರಂಭಿಕ ಉದ್ಯೋಗದ ವೀಸಾ ಅರ್ಜಿಗಳು ಶೇ.4.1ರಷ್ಟು ಕಡಿಮೆಯಾಗಿವೆೆ ಎನ್ನಲಾಗಿದೆ.