ಸಿಂಘು ಗಡಿಯಲ್ಲಿ ಭಾರತೀಯ ಕುಸ್ತಿಪಟು ಗೀತಾ ಪೋಗಟ್‌, ಪತಿ ಪವನ್‌ ಸರೋಹಾ ಬಂಧನ

ನವದೆಹಲಿ: 2010ರ ಕಾಮನ್‌ವೆಲ್ತ್‌ ಗೇಮ್ಸ್‌ನಲ್ಲಿ ಭಾರತಕ್ಕೆ ಮೊದಲ ಚಿನ್ನದ ಪದಕ ಗೆದ್ದು ಕೊಟ್ಟಿದ್ದ ಭಾರತದ ಕುಸ್ತಿಪಟು ಗೀತಾ ಪೋಗಟ್‌ ಮತ್ತು ಅವರ ಪತಿ ಪವನ್‌ ಸರೋಹಾ ಅವರನ್ನು ಸಿಂಗು ಗಡಿಯಲ್ಲಿ ದೆಹಲಿ ಪೋಲಿಸರು ಬಂಧಿಸಿ ಕಸ್ಟಡಿಯಲ್ಲಿರಿಸಿದ್ದಾರೆ.

ಜಂತರ್‌ ಮಂತರ್‌ನಲ್ಲಿ ಡಬ್ಲೂಎಫ್‌ಐ ಅಧ್ಯಕ್ಷ, ಬಿಜೆಪಿ ಸಂಸದ ಬ್ರಿಜ್‌ಭೂಷಣ್‌ ಸಿಂಗ್‌ ಅವರ ವಿರುದ್ಧ ನಡೆಯುತ್ತಿರುವ ಪ್ರತಿಭಟನೆಯಲ್ಲಿ ಭಾಗವಹಿಸಲು ತೆರಳುತ್ತಿದ್ದಾಗ ಗೀತಾ ತಮ್ಮ ಪತಿ ಪವನ್‌ ಅವರನ್ನು ಪೋಲಿಸರು ಬಂಧಿಸಿ ಕಸ್ಟಡಿಗೆ ಒಪ್ಪಿಸಿದ್ದಾರೆ.

ʻನನ್ನನ್ನು ಮತ್ತು ನನ್ನ ಪತಿ ಪವನ್‌ ಸರೋಹಾ ಅವರನ್ನು ದೆಹಲಿ ಪೋಲಿಸರು ಬಂಧಿಸಿದ್ದಾರೆʼ ಎಂದು ಪೋಗಟ್‌ ಟ್ವೀಟ್‌ ಮಾಡಿದ್ದಾರೆ.