ಲಂಡನ್‌ನಲ್ಲಿ ಕಾರು ಅಪಘಾತ: ಭಾರತೀಯನಿಗೆ 22 ತಿಂಗಳ ಜೈಲು

ಲಂಡನ್‌ : ಭಾರತೀಯ ಮೂಲದ ಸಿರಿವಂತ ಉದ್ಯಮಿ, 30ರ ಹರೆಯದ ರವಿ ರೂಪರೇಲಿಯಾ ಕಳೆದ ವರ್ಷ ನವೆಂಬರ್‌ನಲ್ಲಿ  68ರ ಹರೆಯದ ನಿವೃತ್ತ ಸೇನಾನಿಯ ಮೇಲೆ ತನ್ನ ಐಷಾರಾಮಿ ಕ್ರೀಡಾ ಕಾರನ್ನು ಹರಿಸಿದ್ದ ಅಪರಾಧಕ್ಕಾಗಿ 22 ತಿಂಗಳ ಜೈಲು ಶಿಕ್ಷೆಗೆ ಗುರಿಯಾಗಿದ್ದಾರೆ. 

ಲಂಡನ್‌ನಲ್ಲಿ ಹೊಟೇಲ್‌ ಮತ್ತು ಕ್ಯಾಟರಿಂಗ್‌ ಉದ್ಯಮವನ್ನು ಯಶಸ್ವಿಯಾಗಿ ನಡೆಸಿಕೊಂಡು ಬಂದಿರುವ ರವಿ ರೂಪರೇಲಿಯಾ, ಲಂಡನ್‌ನ ಪಾರ್ಕ್‌ ಅವೆನ್ಯೂ ಪ್ರದೇಶದಲ್ಲಿ ತನ್ನ ವಾಹನದ ಮೇಲೆ ನಿಯಂತ್ರಣ ತಪ್ಪಿ, ರೆಡ್‌ ಲೈಟ್‌ ಜಂಪ್‌ ಮಾಡಿ, ಆ್ಯಂಥನಿ ಡೇವಿಸ್‌ ಎಂಬ ವ್ಯಕ್ತಿಯ ಮೇಲೆ ಹರಿಸಿದ್ದಲ್ಲದೆ ಅಪಘಾತದ ಬಳಿಕ ಸ್ಥಳದಿಂದ ಪರಾರಿಯಾಗಿದ್ದ ಆರೋಪಕ್ಕೆ ಗುರಿಯಾಗಿದ್ದರು.