ಕ್ರಿಕೆಟರ್ ನಿತೀಶ್‌ ರಾಣಾ ಪತ್ನಿಯ ಕಾರು ಹಿಂಬಾಲಿಸಿಕೊಂಡು ಢಿಕ್ಕಿ ಹೊಡೆದ ಅಪರಿಚಿತರು

ನವದೆಹಲಿ: ಕ್ರಿಕೆಟರ್ ನಿತೀಶ್‌ ರಾಣಾ ಅವರ ಪತ್ನಿಯ ಕಾರನ್ನು ಇಬ್ಬರು ಅಪರಿಚಿತ ವ್ಯಕ್ತಿಗಳು ಹಿಂಬಾಲಿಸಿಕೊಂಡು ಬಂದಿರುವ ಘಟನೆ ಬಗ್ಗೆ ಸ್ವತಃ ನಿತೀಶ್‌ ಅವರ ಪತ್ನಿ ಸಾಚಿ ಮರ್ವಾ ತಮ್ಮ ಸೋಶಿಯಲ್‌ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ.

ಕೆಕೆಆರ್‌ ಕಪ್ತಾನ ನಿತೀಶ್‌ ರಾಣಾ ಪತ್ನಿ ಕಾರಿನಲ್ಲಿ ಮನೆಗೆ ಬರುವ ಮಾರ್ಗದಲ್ಲಿ ಇಬ್ಬರು ಅಪರಿಚಿತ ವ್ಯಕ್ತಿಗಳು ಅವರ ಕಾರನ್ನು ಹಿಂಬಾಲಿಸಿಕೊಂಡು ಬಂದಿದ್ದಾರೆ. ಕೆಲ ದೂರ ಹಿಂಬಾಲಿಸಿಕೊಂಡು ಕಾರಿಗೆ ಢಿಕ್ಕಿ ಹೊಡೆದಿದ್ದಾರೆ. ಮರ್ವಾ ಅವರು ಈ ಘಟನೆ ಬಗ್ಗೆ ಇನ್ಸ್ಟಾಗ್ರಾಮ್‌ ನಲ್ಲಿ ಸ್ಟೋರಿಯನ್ನು ಹಾಕಿಕೊಂಡಿದ್ದಾರೆ.

ಘಟನೆಯ ವೇಳೆ ಮರ್ವಾ ಅವರು ಪೊಲೀಸರಿಗೆ ಕರೆ ಮಾಡಿ ಮಾಹಿತಿ ನೀಡಿದ್ದಾರೆ. ಆದರೆ ಪೊಲೀಸರು ಆಕೆಗೆ ಯಾವುದೇ ಸಹಾಯ ಮಾಡದೇ, ನೀವು ಈಗಾಗಲೇ ಮನೆಗೆ ಸುರಕ್ಷಿತವಾಗಿ ತಲುಪಿದ್ದೀರ ಅಲ್ವಾ, ಮುಂದಿನ ಸಲಿ ಈ ರೀತಿ ಆದರೆ ಗಾಡಿಯ ನಂಬರ್‌ ನ್ನು ನೋಟ್‌ ಮಾಡಿಕೊಳ್ಳಿ ಎಂದು ಸಲಹೆ ನೀಡಿದ್ದಾರೆ ಎಂದು ಅವರು ಹೇಳಿದ್ದಾರೆ.