Ind W Vs Aus W: ವನಿತಾ ಏಕದಿನ; ಇಂದು ಭಾರತ-ಆಸೀಸ್‌ 2ನೇ ಪಂದ್ಯ

ಬ್ರಿಸ್ಬೇನ್‌: 3 ಪಂದ್ಯಗಳ ಮಹಿಳಾ ಏಕದಿನ ಸರಣಿಯ ಮೊದಲ ಪಂದ್ಯದಲ್ಲಿ ಸೋತಿರುವ ಭಾರತ ಭಾನುವಾರ 2ನೇ ಪಂದ್ಯದಲ್ಲಿ ಆಸ್ಟ್ರೇಲಿಯಾವನ್ನು ಎದುರಿಸಲಿದೆ.

ಈ ಪಂದ್ಯದಲ್ಲಿ ಸೋತರೆ ಭಾರತಕ್ಕೆ ಇನ್ನೊಂದು ಸರಣಿ ಸೋಲು ಉಂಟಾಗಲಿದ್ದು, ಅದನ್ನು ತಪ್ಪಿಸಿಕೊಳ್ಳಲು ಹೋರಾಡುವುದು ನಿಶ್ಚಿತ. ಭಾರತೀಯ ತಂಡ ಸರಿಯಾಗಿ ಅಭ್ಯಾಸ ನಡೆಸಿಲ್ಲ ಎಂದು ಹೇಳಲಾಗಿದೆ.

ಕೆಲವರು ದೇಶೀಯ ಮಹಿಳಾ ಕ್ರಿಕೆಟ್‌ನಲ್ಲಿ ಪಾಲ್ಗೊಂಡಿದ್ದರೆ, ಇನ್ನು ಕೆಲವರು ಆಸೀಸ್‌ನ ಮಹಿಳಾ ಬಿಗ್‌ಬಾಶ್‌ನಲ್ಲಿ ಆಡಿ ದಣಿದಿದ್ದಾರೆ. ಹೀಗಾಗಿ ಒಗ್ಗೂಡಿ ಅಭ್ಯಾಸವನ್ನೇ ನಡೆಸಲಾಗಿಲ್ಲ. ಹರ್ಮನ್‌ಪ್ರೀತ್‌ ಕೌರ್‌ ನೇತೃತ್ವದಲ್ಲಿ ತಂಡ ಕಣಕ್ಕಿಳಿಯಲಿದ್ದು, ಬೆಳಗ್ಗೆ 5.15ಕ್ಕೆ ಪಂದ್ಯ ಶುರುವಾಗಲಿದೆ.