ಸದ್ಭಾವನಾ ಸಂಕೇತವಾಗಿ ಪಾಕ್‌ಗೆ ವೃದ್ಧನ ಹಸ್ತಾಂತರಿಸಿದ ಬಿಎಸ್‌ಎಫ್

ಶ್ರೀನಗರ : ಭಾರತ ಮತ್ತು ಪಾಕಿಸ್ಥಾನ ನಡುವೆ ಉದ್ವಿಗ್ನ ಸ್ಥಿತಿ ಇರುವ ವೇಳೆಯಲ್ಲೇ ಸಾಂಬಾ ವಲಯದಲ್ಲಿ  ಅಂತರಾಷ್ಟ್ರೀಯ ಗಡಿ ದಾಟಿ ಬಂದ ವೃದ್ಧನೊಬ್ಬನನ್ನು  ಸದ್ಭಾವನಾ ಸಂಕೇತವಾಗಿ ಒಂದೇ ದಿನದಲ್ಲಿ ಬಿಎಸ್‌ಎಫ್ ಹಸ್ತಾಂತರಿಸಿದೆ. 

ಶುಕ್ರವಾರ ಗಡಿ ದಾಟಿ ಬಂದಿದ್ದ 60 ರ ಹರೆಯದ ಮೊಹಮದ್‌ ಅಶ್ರಫ್ ಎನ್ನುವ ವೃದ್ಧನ್ನನ್ನು ಬಿಎಸ್‌ಎಫ್ ಪಡೆಗಳು ವಶಕ್ಕೆ ಪಡೆದಿದ್ದವು. ಈ ವೇಳೆ ಆತನ ಬಳಿ 12,000 ರೂಪಾಯಿ ಮೌಲ್ಯದ ಪಾಕ್‌  ಹಣವನ್ನು ವಶಕ್ಕೆ ಪಡೆಯಲಾಗಿತ್ತು. 

ಮೊಹಮದ್‌ ಅಶ್ರಫ್ ಪಾಕ್‌ನ ಪಂಜಾಬ್‌ನ ಬೊಯ್ಟಾ -ನರ್‌ವಾಲ್‌ ಪ್ರಾಂತ್ಯದ ನಿವಾಸಿ ಎಂದು ತಿಳಿದು ಬಂದಿದೆ. 

ಶನಿವಾರ ಮಧ್ಯಾಹ್ನ 3.40 ರ ವೇಳೆಗೆ ಬಿಎಸ್‌ಎಫ್ ಮೊಹಮದ್‌ ಅಶ್ರಫ್ನನ್ನು ಪಾಕ್‌ ರೇಂಜರ್‌ಗಳಿಗೆ ಹಸ್ತಾಂತರಿಸಿದ್ದಾರೆ. ಭಾರತೀಯ ಪಡೆಗಳ ಮಾನವೀಯತೆಯನ್ನು ಪಾಕ್‌ ರೇಂಜರ್‌ಗಳು ಕೊಂಡಾಡಿದ್ದಾರೆ.