Covid Updates: ಭಾರತ-ಕಳೆದ 24ಗಂಟೆಯಲ್ಲಿ 12,881 ಕೋವಿಡ್ 19 ಪ್ರಕರಣ ಪತ್ತೆ

ನವದೆಹಲಿ:ದಿನದಿಂದ ದಿನಕ್ಕೆ ದೇಶಾದ್ಯಂತ ಕೋವಿಡ್ 19 ಮಹಾಮಾರಿ ವೈರಸ್ ಹೆಚ್ಚಾಗುತ್ತಿದ್ದು, ಕಳೆದ 24ಗಂಟೆಯಲ್ಲಿ ಭಾರತದಲ್ಲಿ ಬರೋಬ್ಬರಿ 12.881 ಪ್ರಕರಣ ಪತ್ತೆಯಾಗಿದೆ. ಇದರೊಂದಿಗೆ ದೇಶದಲ್ಲಿ ಕೋವಿಡ್ ಸೋಂಕಿತರ ಸಂಖ್ಯೆ 3,66,946ಕ್ಕೆ ಏರಿಕೆಯಾದಂತಾಗಿದೆ.

ಗುರುವಾರ ಕೋವಿಡ್ 19 ವೈರಸ್ ಗೆ 334 ಮಂದಿ ಸಾವನ್ನಪ್ಪಿದ್ದು, ದೇಶದಲ್ಲಿ ಕೋವಿಡ್ 19 ಸಾವಿನ ಸಂಖ್ಯೆ 12,237ಕ್ಕೆ ತಲುಪಿದೆ, 1,60,384 ಆ್ಯಕ್ಟಿವ್ ಪ್ರಕರಣಗಳಿದ್ದು, ಈವರೆಗೆ 1,94,324 ಮಂದಿ ಗುಣಮುಖರಾಗಿದ್ದಾರೆ ಎಂದು ಕೇಂದ್ರ ಆರೋಗ್ಯ ಸಚಿವಾಲಯದ ಅಂಕಿ ಅಂಶ ತಿಳಿಸಿದೆ.

ನೂತನ ಕೋವಿಡ್ 19 ವೈರಸ್ ಪ್ರಕರಣ ಸತತವಾಗಿ ಏಳನೇ ದಿನವೂ 10 ಸಾವಿರ ಸಂಖ್ಯೆಯನ್ನು ದಾಟಿರುವುದಾಗಿ ವರದಿ ಹೇಳಿದೆ. ಮಹಾರಾಷ್ಟ್ರ ರಾಜ್ಯದಲ್ಲಿಯೇ ಕಳೆದ 24ಗಂಟೆಯಲ್ಲಿ 3,307 ಪ್ರಕರಣ ವರದಿಯಾಗಿದೆ. ತಮಿಳುನಾಡಿನಲ್ಲಿ ಕೋವಿಡ್ 19 ಪ್ರಕರಣ 50,000 ದಾಟಿ ಹೋಗಿರುವುದಾಗಿ ವರದಿ ಹೇಳಿದೆ.