ಗೋಮಾಂಸ ರಫ್ತು: ಭಾರತಕ್ಕೆ 3ನೇ ಸ್ಥಾನ

ಹೊಸದಿಲ್ಲಿ: ಗೋಮಾಂಸ ರಫ್ತು ಮಾಡುವ ರಾಷ್ಟ್ರಗಳಲ್ಲಿ ಭಾರತ ಜಾಗತಿಕ ಮಟ್ಟದಲ್ಲಿ 3ನೇ ಅತಿದೊಡ್ಡ ರಾಷ್ಟ್ರವಾಗಿದೆ. ಇನ್ನೊಂದು ದಶಕದ ಕಾಲ ಇದೇ ಸ್ಥಾನದಲ್ಲಿ ಮುಂದುವರಿಯಲಿದೆ ಎಂದು ಆಹಾರ ಮತ್ತು ಕೃಷಿ ಸಂಸ್ಥೆ (ಎಫ್ಎಒ) ಮತ್ತು ಆರ್ಥಿಕ ಸಹಕಾರ ಸಂಸ್ಥೆ(ಒಇಸಿಡಿ)ಗಳ ವರದಿ ತಿಳಿಸಿದೆ. 2017-2026ರ ಕೃಷಿ ಮುನ್ನೋಟ ವರದಿಯಲ್ಲಿ ಈ ಅಂಕಿಅಂಶಗಳನ್ನು ನೀಡಲಾಗಿದೆ. 2016ರಲ್ಲಿ ಭಾರತ 15.6 ಕೋಟಿ ಟನ್‌ ಗೋಮಾಂಸ ರಫ್ತು ಮಾಡಿದೆ. ಜಾಗತಿಕ ಮಟ್ಟದಲ್ಲಿ ರಫ್ತಾದ ಗೋಮಾಂಸದಲ್ಲಿ ಭಾರತದ ಪಾಲು ಶೇ.10.95ರಷ್ಟು ಇದೆ. 2026ರ ವೇಳೆಗೆ 19.3 ಕೋಟಿ ಟನ್‌ ಗೋಮಾಂಸ ರಫ್ತಾಗುವ ಮೂಲಕ ಶೇ.16 ಕ್ಕೆ ಏರಲಿದೆ ಎಂದಿದೆ ವರದಿ.