India ಹಿಂದೂ ರಾಷ್ಟ್ರವಲ್ಲ ಇದಕ್ಕೆ ಫ‌ಲಿತಾಂಶ ಸಾಕ್ಷಿ:ಅಮರ್ತ್ಯ ಸೇನ್‌

ಕೋಲ್ಕತಾ: “ಭಾರತ ಹಿಂದೂ ರಾಷ್ಟ್ರವಲ್ಲ’ ಎಂಬುದಕ್ಕೆ ಈ ಬಾರಿಯ ಲೋಕಸಭಾ ಚುನಾವಣೆ ಫ‌ಲಿತಾಂಶವೇ ಸಾಕ್ಷಿ ಎಂದು ನೊಬೆಲ್‌ ಪ್ರಶಸ್ತಿ ವಿಜೇತ ಅಮರ್ತ್ಯ ಸೇನ್‌ ಹೇಳಿದ್ದಾರೆ. ಬಂಗಾಲಿ ಸುದ್ದಿಮಾಧ್ಯಮವೊಂದರ ಜತೆ ಮಾತನಾಡಿ, ವಿಚಾರಣೆಯಿಲ್ಲದೇ ಜನರನ್ನು ಕಂಬಿಯ ಹಿಂದೆ ಇರಿಸುವ ಕ್ರಮ ಬ್ರಿಟಿಷ್‌ ಕಾಲದಿಂದ ಈವರೆಗೂ ಮುಂದುವರಿದಿದೆ. ಅದರಲ್ಲೂ ಕಾಂಗ್ರೆಸ್‌ಗೆ ಹೋಲಿಸಿದರೆ ಬಿಜೆಪಿ ಸರಕಾರದಲ್ಲಿ ಇಂಥ ಪ್ರಕರಣ ಹೆಚ್ಚಾಗಿದೆ. ಪ್ರತೀ ಚುನಾವಣೆ ಬಳಿಕ ಬದಲಾವಣೆ ಕಾಣುತ್ತಿದೆ. ಈ ಬಾರಿ ಭಾರತ ಹಿಂದೂ ರಾಷ್ಟ್ರವಲ್ಲ ಎಂಬುದು ತಿಳಿದುಬಂದಿದೆ ಎಂದರು.

ಪ್ರಖ್ಯಾತ ಅರ್ಥಶಾಸ್ತ್ರಜ್ಞ, ಸೇನ್‌  ರಾಜಕೀಯವಾಗಿ ಮುಕ್ತ ಮನಸ್ಸಿನ ಅಗತ್ಯವನ್ನು ಒತ್ತಿಹೇಳಿದರು, ವಿಶೇಷವಾಗಿ ಜಾತ್ಯತೀತ ಸಂವಿಧಾನವನ್ನು ಹೊಂದಿರುವ ಜಾತ್ಯತೀತ ರಾಷ್ಟ್ರವಾಗಿ ಭಾರತದ ಸ್ಥಾನಮಾನವನ್ನು ನೀಡಲಾಗಿದೆ. ಭಾರತವನ್ನು ‘ಹಿಂದೂ ರಾಷ್ಟ್ರ’ವನ್ನಾಗಿ ಪರಿವರ್ತಿಸುವ ಕಲ್ಪನೆಯು ಸೂಕ್ತವೆಂದು ನಾನು ಪರಿಗಣಿಸುವುದಿಲ್ಲ ಎಂದುರು.

ಅಯೋಧ್ಯೆ(ಫೈಜಾಬಾದ್) ಲೋಕಸಭಾ ಕ್ಷೇತ್ರದಲ್ಲಿ ಬಿಜೆಪಿಯ ಸ್ಥಾನ ಕಳೆದುಕೊಂಡಿರುವುದನ್ನು ಭಾರತಕ್ಕೆ ಹಿಂದೂ-ಕೇಂದ್ರಿತ ಗುರುತನ್ನು ರಚಿಸಲು ಬಿಜೆಪಿಯ ಪ್ರಯತ್ನಗಳ ನಿರಾಕರಣೆ ಎಂದು ವ್ಯಾಖ್ಯಾನಿಸಬಹುದು ಎಂದು ಹೇಳಿದ್ದಾರೆ.