Swiss bank ಠೇವಣಿದಾರರ 5ನೇ ಸೆಟ್‌ ದಾಖಲೆ ಭಾರತಕ್ಕೆ ಹಸ್ತಾಂತರ

ಬರ್ನ್: ಸ್ವಿಸ್‌ ಬ್ಯಾಂಕ್‌ನಲ್ಲಿ ಠೇವಣಿ ಇರಿಸಿರುವ ಭಾರತೀಯರ ವಿವರಗಳುಳ್ಳ ಐದನೇ ಸೆಟ್‌ ದಾಖಲೆಗಳನ್ನು ಕೇಂದ್ರ ಸರಕಾರಕ್ಕೆ ಹಸ್ತಾಂತರಿ ಸಲಾಗಿದೆ.

ಭಾರತ ಮತ್ತು ಸ್ವಿಟ್ಸರ್ಲೆಂಡ್‌ ನಡುವಿನ ಒಪ್ಪಂದದ ಅನ್ವಯ ಈ ವಿವರಗಳನ್ನು ನೀಡಲಾಗಿದೆ. ಸದ್ಯ ಕೈಸೇರಿರುವ ದಾಖಲೆಗಳಲ್ಲಿ ಕಾರ್ಪೊರೇಟ್‌ ಸಂಸ್ಥೆಗಳು, ಟ್ರಸ್ಟ್‌ಗಳು, ಕೆಲವೊಂದು ವ್ಯಕ್ತಿಗಳು ಹೊಂದಿರುವ ಹಲವಾರು ಖಾತೆಗಳ ವಿವರಗಳೂ ಸೇರಿಕೊಂಡಿವೆ.

ಕೆಲವೊಂದರಲ್ಲಿ ಖಾತೆದಾರರ ವಿಳಾಸಗಳೂ ಸೇರಿವೆ ಎಂದು ಮೂಲಗಳು ತಿಳಿಸಿವೆ. ಒಟ್ಟು 104 ದೇಶಗಳೊಂದಿಗೆ 36 ಲಕ್ಷ ಖಾತೆಗಳ ಮಾಹಿತಿಯನ್ನು ಸ್ವಿಸ್‌ ಸರಕಾರ ಭಾರತದೊಂದಿಗೆ ಹಂಚಿಕೊಂಡಿದೆ.