ಭಾರತ, ಇಂಗ್ಲೆಂಡ್‌ ವಿಶ್ವಕಪ್‌ ಫೇವರಿಟ್‌: ಶೇನ್‌ ವಾರ್ನ್

ಹೊಸದಿಲ್ಲಿ: ಇದು ವಿಶ್ವಕಪ್‌ ಗೆಲ್ಲುವ ನೆಚ್ಚಿನ ತಂಡವನ್ನು ಹೆಸರಿಸುವ ಸಮಯ. ಬಹುತೇಕ ಮಾಜಿ ಕ್ರಿಕೆಟಿಗರು ತಮ್ಮ ತಮ್ಮ ಫೇವರಿಟ್‌ ತಂಡಗಳನ್ನು ಹೆಸರಿಸಿದ್ದಾರೆ. ಈಗ ಆಸ್ಟ್ರೇಲಿಯದ ಮಾಜಿ ಆಟಗಾರ ಶೇನ್‌ ವಾರ್ನ್ ಸರದಿ. ಶೇನ್‌ ವಾರ್ನ್ ಪ್ರಕಾರ ಈ ಬಾರಿ ಇಂಗ್ಲೆಂಡ್‌ ಮತ್ತು ಭಾರತ ವಿಶ್ವಕಪ್‌ ಗೆಲ್ಲುವ ಫೇವರೆಟ್‌ ತಂಡಗಳಾಗಿವೆ. ಈ ತಂಡಗಳೆರಡೂ ಕಳೆದೊಂದು ವರ್ಷದಿಂದ ಉತ್ತಮ ಪ್ರದರ್ಶನ ನೀಡುತ್ತ ಬಂದಿವೆ. ಹೀಗಾಗಿ ಈ ತಂಡಗಳಿಗೆ ಕಪ್‌ ಗೆಲ್ಲುವ ಹೆಚ್ಚಿನ ಅವಕಾಶವಿದೆ ಎಂಬುದು ವಾರ್ನ್ ಅಭಿಪ್ರಾಯ.

ಆಸೀಸ್‌ಗೂ ಅವಕಾಶವಿದೆ
ಕಳೆದ 6 ವಿಶ್ವಕಪ್‌ ಪಂದ್ಯಾವಳಿಗಳಲ್ಲಿ  4 ಸಲ ಚಾಂಪಿಯನ್‌ ಪಟ್ಟ ಅಲಂಕರಿಸಿದ ತವರಿನ ಆಸ್ಟ್ರೇಲಿಯ ತಂಡಕ್ಕೆ ಕಪ್‌ ಉಳಿಸಿಕೊಳ್ಳುವ ಅವಕಾಶ ಇದೆ ಎಂಬುದಾಗಿಯೂ ವಾರ್ನ್ ಹೇಳಿದ್ದಾರೆ. ಇತ್ತೀಚೆಗಷ್ಟೇ ಆಸೀಸ್‌ ತಂಡ ಭಾರತ ವಿರುದ್ಧದ ಏಕದಿನ ಸರಣಿಯಲ್ಲಿ 3-2 ಜಯಭೇರಿ ಮೊಳಗಿಸಿತ್ತು. 1999ರಲ್ಲಿ  ಇಂಗ್ಲೆಂಡ್‌ನ‌ಲ್ಲಿ ಕೊನೆಯ ಸಲ ನಡೆದ ವಿಶ್ವಕಪ್‌ನಲ್ಲೂ ಆಸ್ಟ್ರೇಲಿಯ ಚಾಂಪಿಯನ್‌ ಆಗಿತ್ತು ಎಂಬುದನ್ನು ವಾರ್ನ್ ನೆನಪಿಸಿದರು.