Advertisement

ಮಕ್ಕಳಲ್ಲಿ ಹೆಚ್ಚಿದ ಸ್ಮಾರ್ಟ್‌ಫೋನ್‌ ಬಳಕೆ; ಲೋಕಲ್‌ ಸರ್ಕಲ್‌ ಸಮೀಕ್ಷೆಯಲ್ಲಿ ದೃಢ

09:27 PM Dec 02, 2022 | Team Udayavani |

ನವದೆಹಲಿ: ದೇಶದಲ್ಲಿ 9 ವರ್ಷದಿಂದ 13 ವರ್ಷ ವಯೋಮಿತಿಯ ಮಕ್ಕಳು ಸ್ಮಾರ್ಟ್‌ಫೋನ್‌ ಬಳಕೆ ಮಾಡುತ್ತಿದ್ದಾರೆ ಎಂದು ಶೇ.55ರಷ್ಟು ಪೋಷಕರು ಒಪ್ಪಿಕೊಂಡಿದ್ದಾರೆ. ಇದರ ಜತೆಗೆ ನಗರ ವ್ಯಾಪ್ತಿಯಲ್ಲಿ ಇರುವ 9-17 ವರ್ಷ ವಯಸ್ಸಿನ ಶೇ.40 ಮಂದಿ ಮಕ್ಕಳು ಸಾಮಾಜಿಕ ಜಾಲತಾಣಗಳು, ವೀಡಿಯೊ ಮತ್ತು ಆನ್‌ಲೈನ್‌ ಗೇಮ್‌ ಗೀಳು ಅಂಟಿಸಿಕೊಂಡಿದ್ದಾರೆ ಎಂದು ಪೋಷಕರು ಚಿಂತೆ ವ್ಯಕ್ತಪಡಿಸಿದ್ದಾರೆ.

Advertisement

ದೇಶದ ವಿವಿಧ ಭಾಗಗಳಲ್ಲಿ ಲೋಕಲ್‌ಸರ್ಕಲ್‌ ಎಂಬ ಸಂಸ್ಥೆ ನಡೆಸಿದ ಅಧ್ಯಯನದಲ್ಲಿ ಈ ಮಾಹಿತಿ ಲಭ್ಯವಾಗಿದೆ. ಇನ್ನೊಂದು ಆಘಾತಕಾರಿ ಅಂಶವೆಂದರೆ ಶೇ.44 ಮಂದಿ ಸಣ್ಣ ಮಕ್ಕಳ ಹೆತ್ತವರು ಕೂಡ ಮೊಬೈಲ್‌ನಲ್ಲಿ ಜಾಲತಾಣ, ಗೇಮ್ಸ್‌ಗಳತ್ತ ಆಕರ್ಷಿತರಾಗಿದ್ದಾರೆ ಎಂದು ದೂರಿಕೊಂಡಿದ್ದಾರೆ. 13-17 ವರ್ಷ ನಡುವಿನ ಶೇ.62 ಮಂದಿ ಮಕ್ಕಳು 3 ಗಂಟೆ ಅಥವಾ ಅದಕ್ಕಿಂತ ಹೆಚ್ಚಿನ ಸಮಯ ಜಾಲತಾಣಗಳಲ್ಲಿ ಮುಳುಗಿದ್ದಾರೆ ಎಂಬ ಮಾಹಿತಿ ಸಂಗ್ರಹಿಸಿದೆ.

ಕೊರೊನಾ ಕಾರಣ: 9-13 ವರ್ಷ ನಡುವಿನ ಶೇ.49 ಮಕ್ಕಳು 3 ಗಂಟೆಗಿಂತಲೂ ಹೆಚ್ಚಿನ ಅವಧಿಯನ್ನೂ ಇದೇ ಮಾದರಿಯಲ್ಲಿ ಕಳೆಯುತ್ತಾರೆ. ಕೊರೊನಾ ಅವಧಿಯಲ್ಲಿ ಆನ್‌ಲೈನ್‌ ಕ್ಲಾಸ್‌ ಕಾರಣಕ್ಕಾಗಿ ಮಕ್ಕಳಿಗೆ ಸ್ಮಾರ್ಟ್‌ಫೋನ್‌ ತೆಗೆದು ಕೊಡಬೇಕಾಯಿತು. ನಂತರದ ದಿನಗಳಲ್ಲಿ ಅದು ಗೀಳಾಗಿ ಪರಿವರ್ತನೆಯಾಯಿತು ಎಂದು ಹೆತ್ತವರು ಹೇಳಿಕೊಂಡಿದ್ದಾರೆ.

13 ವರ್ಷ ಇರಲಿ: ಆನ್‌ಲೈನ್‌ ಕ್ಲಾಸ್‌ ಮತ್ತು ಸಾಮಾಜಿಕ ಜಾಲತಾಣಗಳ ಬಳಕೆ ಮಾಡಲು 13 ವರ್ಷ ಮತ್ತು 15 ವರ್ಷ ಎಂದು ಕಾನೂನಾತ್ಮಕವಾಗಿ ನಿಗದಿ ಮಾಡಬೇಕು ಎಂದು ಶೇ.68ರಷ್ಟು ಹೆತ್ತವರು ಸರ್ಕಾರಗಳಿಗೆ ಮನವಿ ಮಾಡಿದ್ದಾರೆ.

 

Advertisement

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next