ದೇಶದ ವಿನಿಮಯ ಸಂಗ್ರಹದಲ್ಲಿ ಹೆಚ್ಚಳ

ಮುಂಬಯಿ: ದೇಶದ ವಿದೇಶಿ ವಿನಿಮಯ ಸಂಗ್ರಹದಲ್ಲಿ ಏರಿಕೆ ಕಂಡುಬಂದಿದ್ದು, ಸುಮಾರು 441 ಮಿಲಿಯನ್‌ ಡಾಲರ್‌ ರಷ್ಟು ಹೆಚ್ಚಳವಾಗಿದೆ ಎಂದು ರಿಸರ್ವ್‌ ಬ್ಯಾಂಕ್‌ ಆಫ್ ಇಂಡಿಯಾದ ವರದಿ ತಿಳಿಸಿದೆ.

ಆರ್‌ಬಿಐ ಸಾಪ್ತಾಹಿಕ ಅಂಕಿ – ಅಂಶದ ಪ್ರಕಾರ ನವೆಂಬರ್‌ 15ರ ಅಂತ್ಯದ ವಾರದಲ್ಲಿ ದೇಶದ ವಿದೇಶಿ ವಿನಿಮಯ ಸಂಗ್ರಹವು 441 ಮಿಲಿಯನ್‌ ಡಾಲರ್‌ಗೆ ಏರಿಕೆಯಾಗಿದ್ದು, ಈ ಹಿಂದೆ ಅಂದರೆ ನವೆಂಬರ್‌ 8ಕ್ಕೆ ಕೊನೆಗೊಂಡ ವಾರದಲ್ಲಿ 447.80 ಬಿಲಿಯನ್‌ ಡಾಲರ್‌ನಿಂದ 448.24 ಬಿಲಿಯನ್‌ ಡಾಲರ್‌ಗೆ ಏರಿಕೆಯಾಗಿತ್ತು ಎಂದು ವರದಿ ತಿಳಿಸಿದೆ.

ಭಾರತದ ವಿದೇಶಿ ವಿನಿಮಯ ಸಂಗ್ರಹವು ವಿದೇಶಿ ಕರೆನ್ಸಿ ಆಸ್ತಿ (ಎಫ್ಸಿಎ), ಚಿನ್ನದ ಮೀಸಲು, ವಿಶೇಷ ಡ್ರಾಯಿಂಗ್‌ ರೈಟ್ಸ… (ಎಸ್‌ಡಿಆರ್‌) ಮತ್ತು ಅಂತಾರಾಷ್ಟ್ರೀಯ ಹಣಕಾಸು ನಿಧಿ (ಐಎಂಎಫ್) ಜತೆಗೆ ದೇಶದ ಮೀಸಲು ಸ್ಥಾನವನ್ನು ಒಳಗೊಂಡಿದೆ. ಸಾಪ್ತಾಹಿಕ ಆಧಾರದ ಮೇಲೆ ವಿದೇಶಿ ವಿನಿಮಯ ನಿಕ್ಷೇಪಗಳ ಅತಿದೊಡ್ಡ ಘಟಕವಾದ ಎಫ್ಸಿಎ 643 ಮಿಲಿಯನ್‌ ಡಾಲರ್‌ನಿಂದ 416.47 ಬಿಲಿಯನ್‌ ಡಾಲರ್‌ಗೆ ಹೆಚ್ಚಾಗಿದೆ. ಆರ್‌ಬಿಐನ ಸಾಪ್ತಾಹಿಕ ವರದಿ ಹಂಚಿಕೊಂಡಿರುವ ಅಂಕಿ-ಅಂಶದ ಪ್ರಕಾರ ದೇಶದ ಚಿನ್ನದ ನಿಕ್ಷೇಪಗಳ ಮೌಲ್ಯವು 200 ಮಿಲಿಯನ್‌ ಡಾಲರ್‌ನಿಂದ 26.70 ಶತಕೋಟಿ ಡಾಲರ್‌ ಇಳಿಕೆಯಾಗಿದೆ ಎಂದು ಹೇಳಿದೆ ವರದಿ ತಿಳಿಸಿದೆ.