ಬೈಕ್‌ ನಲ್ಲಿ ಲಿಫ್ಟ್‌ ಕೊಟ್ಟಾತನನ್ನೇ ಕೊಂದು ಪರಾರಿಯಾಗಿದ್ದ ಆರೋಪಿ ಬಂಧನ

ಪಣಜಿ: ಗೋವಾದ ಮೋಪಾದಲ್ಲಿ ಚಂದ್ರಕಾಂತ ಬಾಂದೇಕರ್ ಎಂಬ ವ್ಯಕ್ತಿಯ ಹತ್ಯೆಗೈದು ಪರಾರಿಯಾಗಿದ್ದ ಜಯಪುರಿ ಗೋಸಾಯಿ ಎಂಬ ಆರೋಪಿಯನ್ನು ಅಹಮದಾಬಾದ್ ಗುಜರಾತ್‍ನಲ್ಲಿ ಗೋವಾ ಕ್ರೈಂ ಬ್ರ್ಯಾಂಚ್ ಪೋಲಿಸರು ಬಂಧಿಸಿದ್ದಾರೆ. ಬಂಧಿತ ಆರೋಪಿಯು ತಾನೆ ಈ ಕೊಲೆ ಮಾಡಿರುವುದಾಗಿ ಒಪ್ಪಿಕೊಂಡಿದ್ದಾನೆ ಎಂಬ ಮಾಹಿತಿ ಲಭ್ಯವಾಗಿದೆ.

ಜೂನ್ 2021 ರಲ್ಲಿ ಆರೋಪಿ ಜಯಪುರಿ ಗೋಸಾಯಿ ಈತನು ಗೋವಾಕ್ಕೆ ಬಂದಿದ್ದ. ಈತನ ಬಳಿ ಹಣ ಖಾಲಿಯಾದ ನಂತರ ತಾನು ಅಹಮದಾಬಾದ್‍ಗೆ ವಾಪಸ್ಸಾಗುವ ನಿರ್ಣಯ ತೆಗೆದುಕೊಂಡಿದ್ದ. ಪತ್ರಾದೇವಿ ಬಳಿ ದ್ವಿಚಕ್ರ ವಾಹನ ಸವಾರನೋರ್ವನ ಬಳಿ ಈತ ಲಿಫ್ಟ್ ಪಡೆದ. ದ್ವಿಚಕ್ರ ವಾಹನ ಸವಾರನು ಹಾಕಿಕೊಂಡಿದ್ದ ಬಂಗಾರದ ಮೇಲೆ ಈತನ ಕಣ್ಣು ಬಿದ್ದು, ಇದನ್ನು ಲೂಟಿ ಮಾಡಲು ದ್ವಿಚಕ್ರ ವಾಹನ ಸವಾರನನ್ನೇ ಹತ್ಯೆಮಾಡಿದ್ದ.

ಇದನ್ನೂ ಓದಿ:ಕಾಂಗ್ರೆಸ್ ಮುತ್ತಿಗೆ ಕರೆ: ಸಿ.ಟಿ.ರವಿ ಮನೆಗೆ ಬಿಜೆಪಿ ಕಾರ್ಯಕರ್ತರು, ಪೊಲೀಸರ ಸರ್ಪಗಾವಲು!

ಈ ಘಟನೆಗೆ ಸಂಬಂಧಿಸಿದಂತೆ ಗೋವಾ ಕ್ರೈಂ ಬ್ರ್ಯಾಂಚ್ ಪೋಲಿಸರು ಸತತ ಕಾರ್ಯಾಚರಣೆ ನಡೆಸಿ ಆರೋಪಿಯನ್ನು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.