30ಕ್ಕೆ ಸ್ವರ್ಣ ಜುವೆಲರ್ ಕುಂದಾಪುರ ಶಾಖೆ ಉದ್ಘಾಟನೆ

ಕುಂದಾಪುರ: ದೇವಾಲಯಗಳ ನಾಡು ಉಡುಪಿಯಲ್ಲಿ 1964ರಲ್ಲಿ ಗುಜ್ಜಾಡಿ ಮನೆತನದ ಹಿರಿಯರಾದ ಗುಜ್ಜಾಡಿ ನರಸಿಂಹ ನಾಯಕ್‌ ಅವರು ಸ್ವರ್ಣ ಜುವೆಲರ್ನ್ನು ಸ್ಥಾಪಿಸಿದರು. ಕಳೆದ 5 ದಶಕಗಳಿಂದ ನುರಿತ ಕುಶಲಕರ್ಮಿಗಳ ಮೂಲಕ ಗ್ರಾಹಕರಿಗೆ ಪರಿಪೂರ್ಣ ಆಭರಣಗಳ ಡಿಸೈನ್‌ಗಳನ್ನು ಇದು ಒದಗಿಸುತ್ತಿದೆ.

ಉಡುಪಿ, ಮಂಗಳೂರು, ಹುಬ್ಬಳ್ಳಿ, ಧಾರವಾಡ, ಶಿರಸಿ, ಬೆಂಗಳೂರಿನಲ್ಲಿ ಶಾಖೆಯನ್ನು ಹೊಂದಿದ್ದು, ಇದೀಗ ಸ್ವರ್ಣದ ಕುಂದಾಪುರ ಶಾಖೆಯು ಸೆ.30ರಂದು ಸೋಮವಾರ ಮಧ್ಯಾಹ್ನ 2.30ಕ್ಕೆ ಇಲ್ಲಿನ ವೆಂಕಟರಮಣ ದೇವಸ್ಥಾನದ ಬಳಿಯ ಅನಂತ ಪದ್ಮನಾಭ ಚೇಂಬರ್ನ ಮೊದಲ ಮಹಡಿಯಲ್ಲಿ ಕಾಶೀ ಮಠ ಸಂಸ್ಥಾನದ ಮಠಾಧೀಶ ಶ್ರೀ ಸಂಯಮೀಂದ್ರ ತೀರ್ಥ ಸ್ವಾಮೀಜಿ ಅವರಿಂದ ಲೋಕಾರ್ಪಣೆಗೊಳ್ಳಲಿದೆ ಎಂದು ಸಂಸ್ಥೆಯ ನಿರ್ವಾಹಕ ನಿರ್ದೇಶಕ ಬಿ.ರಾಮದಾಸ ನಾಯಕ್‌ ತಿಳಿಸಿದ್ದಾರೆ.

ಉತ್ತಮ ಗುಣಮಟ್ಟದ ಆಭರಣಗಳನ್ನು ತಯಾರಿಸಿ, ಒದಗಿಸುವುದರ ಮೂಲಕ ಸ್ವರ್ಣವನ್ನು ನಂಬಿ ವ್ಯವಹರಿಸುತ್ತಿರುವ ಗ್ರಾಹಕರ ಹಣಕ್ಕೆ ಸಮನಾದ ಮೌಲ್ಯವನ್ನು ನೀಡುತ್ತಿದೆ. ಯುವ ಸಮುದಾಯಕ್ಕೆ ಹಾಗೂ ಉತ್ಸಾಹಿ ಮಹಿಳೆಯರಿಗೆ ತನ್ನ ಸಂಸ್ಥೆಯಲ್ಲಿ ಉದ್ಯೋಗವನ್ನು ಒದಗಿಸಿದ ಸ್ವರ್ಣ, ಇಂತಹ ಉತ್ತಮ ಕೆಲಸಗಳಿಂದ ರಾಜ್ಯದ ಹಾಗೂ ರಾಷ್ಟ್ರದ ಸಾವಿರಾರು ಗ್ರಾಹಕರ ಹೃದಯವನ್ನು ಗೆದ್ದಿದೆ ಎಂದು ಅವರು ಹೇಳಿದ್ದಾರೆ.