Paris Games; ಸ್ಪ್ರಿಂಟ್‌ ಬಲಿಷ್ಠ ಜಮೈಕಾದಲ್ಲಿ ಪದಕಕ್ಕಿಂತ ಗಾಯಾಳೇ ಹೆಚ್ಚು!

ಪ್ಯಾರಿಸ್‌: ಸ್ಪ್ರಿಂಟ್‌ನ ಪವರ್‌ ಹೌಸ್‌ ಎಂದೇ ಕರೆಯಲ್ಪಡುವ ಜಮೈಕಾ ತಂಡದಲ್ಲಿ ಈ ಬಾರಿ ಪದಕ ವಿಜೇತರಿಗಿಂತ ಗಾಯಾಳುಗಳ ಸಂಖ್ಯೆಯೇ ಹೆಚ್ಚಿದೆ. ಹೀಗಾಗಿ, ಹಿಂದಿನ ಒಲಿಂಪಿಕ್ಸ್‌ನ ಟ್ರ್ಯಾಕ್‌ ಸ್ಪರ್ಧೆಗಳಲ್ಲಿ ಮಿಂಚುತಿದ್ದ ಜಮೈಕಾ ಸ್ಪ್ರಿಂಟರ್‌ಗಳು ಈ ಬಾರಿ ನಿರಾಸೆ ಅನುಭವಿಸುತ್ತಿದ್ದಾರೆ.

ಸ್ಪ್ರಿಂಟ್‌ ವಿಭಾಗದಲ್ಲಿ ಜಮೈಕಾ ದೊಡ್ಡ ಸಂಖ್ಯೆಯಲ್ಲಿ ಪ್ರತಿಭಾನ್ವಿತರನ್ನು ಹೊಂದಿರುತ್ತಿತ್ತು. ಅದರಲ್ಲೂ ಒಲಿಂಪಿಕ್ಸ್‌ ನಂತ ಜಾಗತಿಕ ಕ್ರೀಡಾಕೂಟಗಳಲ್ಲಿ ಹಿಂದೆ ಜಮೈಕಾ ಸ್ಪ್ರಿಂಟರ್‌ಗಳೇ ಪದಕಗಳನ್ನು ಬಾಚಿಕೊಳ್ಳುತ್ತಿದ್ದರು. ಆದರೆ ಈ ಬಾರಿ ಜಮೈಕಾ ತಂಡದಿಂದ ಟ್ರ್ಯಾಕ್‌ ವಿಭಾಗದಲ್ಲಿ ಪದಕ ಗೆದ್ದಿದ್ದು ಕಿಶೇನ್‌ ಥಾಂಮ್ಸನ್‌ ಮಾತ್ರ ಎನ್ನುವುದು ವಿಪರ್ಯಾಸ.