Advertisement

47 ಸಾವಿರ ಟನ್‌ ಯೂರಿಯಾ ಭಾರತಕ್ಕೆ; ಮೊದಲ ಬಾರಿಗೆ ಅಮೆರಿಕದಿಂದ ಯೂರಿಯಾ ಖರೀದಿ

12:16 PM Jun 18, 2022 | Team Udayavani |

ಅಮೆರಿಕದ “ನ್ಯೂ ಓರ್ಲಿಯನ್ಸ್‌’ ಬಂದರಿನಿಂದ ನವ ಮಂಗಳೂರು ಬಂದರಿಗೆ ಸುಮಾರು 47 ಸಾವಿರ ಟನ್‌ನಷ್ಟು ಯೂರಿಯಾ ಸದ್ಯದಲ್ಲೇ ಆಗಮಿಸಲಿದೆ. ವಾರಾಂತ್ಯದ ಹೊತ್ತಿಗೆ ಈ ಬೃಹತ್‌ ಪ್ರಮಾಣದ ಯೂರಿಯಾ ನವ ಮಂಗಳೂರು ಬಂದರಿನ ಕಡೆಗೆ ಪ್ರಯಾಣ ಬೆಳೆಸುತ್ತದೆ. ಇದೇ ಮೊದಲ ಬಾರಿಗೆ ಅಮೆರಿಕದಿಂದ ಭಾರತ ಯೂರಿಯಾ ಖರೀದಿ ಮಾಡಿದೆ.

Advertisement

ದರ ಹೇಗೆ?
ದಕ್ಷಿಣ ಕೊರಿಯಾದ ದೈತ್ಯ ಸಮೂಹ ಸಂಸ್ಥೆಗಳಲ್ಲೊಂದಾದ ಸ್ಯಾಮ್‌ಸಂಗ್‌ ಯೂರಿಯಾವನ್ನು ಕಳುಹಿಸಲು ಸಜ್ಜಾಗಿದೆ. ಈ ಯೂರಿಯಾವು ಹರಳುಗಳ ರೂಪದಲ್ಲಿ ಭಾರತಕ್ಕೆ ಬರಲಿವೆ. ಅಮೆರಿಕದ ಬಂದರಿನಲ್ಲಿ ರಫ್ತಿಗೆ ಸಿದ್ಧವಾಗಿರುವ ಯೂರಿಯಾ ದಾಸ್ತಾನಿನ ಪ್ರತಿ ಟನ್‌ನ ಬೆಲೆ ಸುಮಾರು 56 ಸಾವಿರ ರೂ. ನಿಗದಿಗೊಳಿಸಲಾಗಿದೆ.

ಕೇಂದ್ರದ ಕಂಪನಿಗೆ ರವಾನೆ
ಸರ್ಕಾರಿ ಸ್ವಾಮ್ಯದ ರಾಷ್ಟ್ರೀಯ ಕೆಮಿಕಲ್ಸ್‌ ಮತ್ತು ಫ‌ರ್ಟಿಲೈಸರ್ಸ್‌ ಲಿಮಿಟೆಡ್‌ ಕಂಪನಿಗೆ, ಅಮೆರಿಕದಿಂದ ಯೂರಿಯಾ ಬರಲಿದೆ. ಮೇ 11ರಂದು ಭಾರತವು ಯೂರಿಯಾ ಸರಬರಾಜಿಗೆ ಆಗ್ರಹಿಸಿ ಗ್ಲೋಬಲ್‌ ಟೆಂಡರ್‌ ಜಾರಿಗೊಳಿಸಿತ್ತು. ಅದರನ್ವಯ, ಅಮೆರಿಕ ಸೇರಿದಂತೆ ಹಲವಾರು ರಾಷ್ಟ್ರಗಳಿಂದ ಒಟ್ಟು 1.65 ಮೆಟ್ರಿಕ್‌ ಟನ್‌ನಷ್ಟು ಯೂರಿಯಾ ಭಾರತಕ್ಕೆ ಬರಲಿದೆ.

2021-22ರಲ್ಲಿ ಬಂದ ಯೂರಿಯಾ:
ದೇಶ ಪ್ರಮಾಣ (ಮೆ.ಟನ್‌)
ಚೀನ 2.79
ಒಮನ್‌ 1.62
ಯುಎಇ 1.06
ಈಜಿಪ್ಟ್ 0.75
ಕತಾರ್‌ 0.58
ಸೌದಿ 0.50

ಇತ್ತೀಚೆಗೆ ಕೊಳ್ಳಲಾದ ಯೂರಿಯಾ ಪ್ರಮಾಣ
ವರ್ಷ ಪ್ರಮಾಣ (ಟನ್‌)
2019-20 1.47
2020-21 2.19
2021-22 43.71

Advertisement

ಅಂಕಿ-ಅಂಶ:
47,000 ಟನ್‌
ಅಮೆರಿಕದಿಂದ ಆಮದಾಗಲಿರುವ ಯೂರಿಯಾ ಪ್ರಮಾಣ

56,000 ರೂ.
ಆಮದಾಗಲಿರುವ ಯೂರಿಯಾದ ಪ್ರತಿ ಟನ್‌ನ ಬೆಲೆ

1.65 ಮೆ.ಟನ್‌
ವಿವಿಧ ದೇಶಗಳಿಂದ ಸದ್ಯದಲ್ಲೇ ಬರಲಿರುವ ಯೂರಿಯಾ

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next