‌ಅಕ್ರಮ ಅಕ್ಕಿ ಜಪ್ತಿ: ಇಬ್ಬರ ಬಂಧನ

ಹೊಸಪೇಟೆ: ಲಾರಿಯಲ್ಲಿ ಅಕ್ರಮ ಪಡಿತರ ಅಕ್ಕಿ ಸಾಗಣಿಕೆ ಮಾಡುತ್ತಿದ್ದ ಉತ್ತರ ಪ್ರದೇಶದ ಇಬ್ಬರು ವ್ಯಕ್ತಿಗಳನ್ನು ಬಂಧಿಸಿರುವ ಚಿತ್ತವಾಡ್ಗಿ ಪೊಲೀಸರು, 180 ಕ್ವಿಂಟಾಲ್‌ ಅಕ್ಕಿಯನ್ನು ಶುಕ್ರವಾರ ಜಪ್ತಿ ಮಾಡಿದ್ದಾರೆ. ನಗರದ ಹುಡಾ ವೃತ್ತದಲ್ಲಿ ಆಹಾರ ಇಲಾಖೆ ಹಾಗೂ ಪೊಲೀಸರು ದಾಳಿ ನಡೆಸಿ, ಚಾಲಕ ರಾಯಸಾಬ್‌ ಗಿರಿ, ಕ್ಲೀನರ್‌ ನಿರಜಕುಮಾರ್‌ನನ್ನು ಬಂಧಿಸಿ 50 ಕೆಜಿ ತೂಕದ 360 ಚೀಲಗಳಲ್ಲಿದ್ದ 180 ಕ್ವಿಂಟಾಲ್‌ ಅಕ್ಕಿಯನ್ನು ಜಪ್ತಿ ಮಾಡಿದ್ದಾರೆ. ಚಿತ್ತವಾಡ್ಗಿಯಲ್ಲಿ ಪ್ರಕರಣ ದಾಖಲಾಗಿದೆ. ಚಿತ್ತವಾಡ್ಗಿ ಠಾಣೆಯ ಪಿಐ ಜಯಪ್ರಕಾಶ್‌, ಆಹಾರ ಇಲಾಖೆ ಶಿರಸ್ತೆದಾರ್‌ ನಾಗರಾಜ ಹಾಗೂ ಸಿಬ್ಬಂದಿ ಇದ್ದರು.