ಅಕ್ರಮ ಪಿಸ್ತೂಲು:ಮೂವರ ಬಂಧನ

ಕಲಬುರಗಿ: ಅಕ್ರಮ ಪಿಸ್ತೂಲು ಹೊಂದಿದ್ದ ಮೂವರನ್ನು ಆಳಂದ ತಾಲೂಕಿನ ಮಾದನಹಿಪ್ಪರಗಾ ಪೊಲೀಸ್‌ ರು ಬಂಧಿಸಿದ್ದಾರೆ. ಮಂಜುನಾಥ ಶಿವಲಿಂಗಪ್ಪ ಬಂಗಾರಿ, ಸಂತೋಷ ಮಲ್ಲಿನಾಥ ಬಂಗಾರಿ ಹಾಗೂ ಬಸಯ್ಯ ರಾಚಯ್ಯ ಗಣಾಚಾರಿ ಎನ್ನುವರೇ ಬಂಧಿತ ಆರೋಪಿಗಳು. ಈ ಮೂವರು ಆಳಂದ ತಾಲೂಕಿನ ಖಜೂರಿ ಗ್ರಾಮದವರು. ಎರಡು ದಿನಗಳ ಹಿಂದೆ ಅಕ್ರಮ ಪಿಸ್ತೂಲು ದಾಸ್ತಾನು ಮಾಡಿದ ಆರೋಪದ ಮೇಲೆ ವ್ಯಕ್ತಿಯೊಬ್ಬನನ್ನು ಬಂಧಿಸಲಾಗಿತ್ತು. ಆಳಂದ ಡಿವೈಎಸ್ಪಿ ಟಿ.ಎಸ್‌. ಸುಲ್ಪಿ ಮಾರ್ಗದರ್ಶನದಲ್ಲಿ ಸಿಪಿಐ ಎಸ್‌.ಎಸ್‌. ಸಣ್ಣಮನಿ, ಪಿಎಸ್‌ಐ ತಮ್ಮಯ್ಯ ದಾಳಿ ನಡೆಸಿದ್ದು, ಮಾದನಹಿಪ್ಪರಗಾ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ಮುಂದುವರಿಸಿದ್ದಾರೆ.