ಜಾನುವಾರು ಸಾಗಾಟ: ವಾಹನ ಸಹಿತ ನಾಲ್ವರ ಬಂಧನ

ಸೋಮವಾರಪೇಟೆ: ಅಕ್ರಮವಾಗಿ ಜಾನುವಾರುಗಳನ್ನು ಸಾಗಿಸುತ್ತಿದ್ದ ಆರೋಪದಲ್ಲಿ ಅರಕಲಗೂಡು ತಾಲೂಕಿನ ಮಲ್ಲಿಪಟ್ಟಣ ಹೊಳಲಗೋಡು ನಿವಾಸಿ ರಾಹಿಲ್‌, ಇರ್ಫಾನ್‌, ಮಹಮ್ಮದ್‌, ಮುಸಾದಿಕ್‌ ಅವರನ್ನು ಬಂಧಿಸಲಾಗಿದೆ.

ತಾಲೂಕಿನ ಹಮ್ಮಿಯಾಲ-ಮುಟ್ಲು ಕಡೆಯಿಂದ 9 ಜಾನುವಾರುಗಳನ್ನು ವಾಹನದಲ್ಲಿ ತುಂಬಿಕೊಂಡು ಸಾಗುತ್ತಿದ್ದಾಗ ಸೂರ್ಲಬ್ಬಿ ಬಳಿ ಸಿಐ ನಂಜುಂಡೇಗೌಡ ನೇತೃತ್ವದ ತಂಡ ಬಂಧಿಸಿದೆ. ಆರೋಪಿಗಳ ವಿರುದ್ಧ ಸ್ಥಳೀಯ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಕಾರ್ಯಾಚರಣೆಯಲ್ಲಿ ಮಹದೇವ ಸ್ವಾಮಿ, ಅನಂತಕುಮಾರ್‌, ಪ್ರವೀಣ್‌, ಕುಮಾರಸ್ವಾಮಿ ಪಾಲ್ಗೊಂಡಿದ್ದರು.