Madras ಐಐಟಿಯಲ್ಲಿ ಲಲಿತ ಕಲಾ ಕೋಟಾ: ಇದೇ ಮೊದಲು!

ಚೆನ್ನೈ: ಸಾಂಸ್ಕೃತಿಕ ಉತ್ಕೃಷ್ಟತೆ ಮತ್ತು ಲಲಿತ ಕಲೆಗಳಲ್ಲಿ ಉನ್ನತ ಸಾಧನೆ ಮಾಡಿದವರಿಗೆ ಮದ್ರಾಸ್‌ ಐಐಟಿ ಕೋಟಾ ನೀಡಿದೆ. ಲಲಿತಾ ಕಲೆಯಲ್ಲಿ ಐಐಟಿಯೊಂದು ಕೋಟಾ ನೀಡಿರುವುದು ಇದೇ ಮೊದಲಾಗಿದೆ.

ಪದವಿ ತರಗತಿಗಳಲ್ಲಿ ಈ ಕೋಟಾ ನೀಡಲಾಗಿದ್ದು, 2 ವಿಭಾಗದಲ್ಲೂ 2 ಸೀಟುಗಳನ್ನು ನೀಡಲಾಗಿದೆ. ಇದರಲ್ಲಿ 1 ಸೀಟು ಬಾಲಕಿಯರಿಗೆ ಮೀಸಲಾಗಿದ್ದರೆ, 1 ಸೀಟು ಮುಕ್ತವಾಗಿದೆ ಎಂದು ಐಐಟಿಯ ನಿರ್ದೇಶಕ ಕಾಮಕೋಟಿ ಅವರು ಹೇಳಿದ್ದಾರೆ.

ಕ್ರೀಡಾ ವಿಭಾಗದಲ್ಲೂ ಕೋಟಾ ಜಾರಿ ಮಾಡಿದ ಮೊದಲ ಐಐಟಿ ಎಂಬ ಖ್ಯಾತಿಯೂ ಮದ್ರಾಸ್‌ ಐಐಟಿಗಿದೆ.