ರೋಗಿಯ ವೈರ್‌ಲೆಸ್‌ ತಪಾಸಣೆ!

ಕೋಲ್ಕತಾ: ಇಲ್ಲಿನ ಖರಗಪುರ ಐಐಟಿ ಸಂಸ್ಥೆ ವೈದ್ಯಕೀಯ ಕ್ಷೇತ್ರಕ್ಕೆ ವರದಾನ ಎನ್ನುವಂತಹ ಸಂಶೋಧನೆಯನ್ನು ಮಾಡಿದೆ. ಆ್ಯಂಬುಲೆನ್ಸ್‌ ನಲ್ಲಿ ಸಾಗಿಸಲ್ಪಡುತ್ತಿರುವ ರೋಗಿಯ ಪೂರ್ಣ ಚಿತ್ರಣವನ್ನು ಪಡೆಯುವ, ಅವರ ಆರೋಗ್ಯದ ಪರಿಶೀಲನೆ ನಡೆಸುವ ಸಾಮರ್ಥ್ಯ ವಿರುವ ಆ್ಯಂಬುಸೆನ್ಸ್‌ ಎಂಬ ವೈರ್‌ಲೆಸ್‌ ತಂತ್ರಜ್ಞಾನವನ್ನು ಅಭಿವೃದ್ಧಿಪಡಿಸಿದೆ. ಇದರ ಮೂಲಕ ವೈದ್ಯರು ಆಸ್ಪತ್ರೆಯಲ್ಲಿ ಕುಳಿತೇ ಯಾವುದೇ ಉಪಕರಣದ ಸಹಾಯವಿಲ್ಲದೇ ರೋಗಿಯ ಇಸಿಜಿ, ರಕ್ತದೊತ್ತಡ, ಹೃದಯ ಬಡಿತ, ಉಷ್ಣತೆಯ ಪರಿಶೀಲನೆ ಮಾಡಬಹುದು. ಇದರ ಪರೀಕ್ಷೆಯೂ ಯಶಸ್ವಿಯಾಗಿದೆ.

ಈವರೆಗೆ ಟೆಲಿಮೆಡಿಸಿನ್‌ ಎಂಬ ತಂತ್ರ ಜ್ಞಾನವಿತ್ತು. ಇದರ ಮೂಲಕ ವೈದ್ಯರು ಆ್ಯಂಬು ಲೆನ್ಸ್‌ನಲ್ಲಿರುವ ರೋಗಿಗಳನ್ನು ವೀಕ್ಷಿಸ ಬಹುದಿತ್ತು. ಆದರೆ ಆರೋಗ್ಯ ವಿಚಾರಣೆ ಸಾಧ್ಯವಿರಲಿಲ್ಲ. ಖರಗಪುರ ಐಐಟಿಯಲ್ಲಿ ಅಭಿವೃದ್ಧಿಪಡಿಸಿರುವ ಆ್ಯಂಬುಸೆನ್ಸ್‌ ಮೂಲಕ ಆ್ಯಂಬುಲೆನ್ಸ್‌ ನಲ್ಲಿರುವ ರೋಗಿಯ ಬಗ್ಗೆ ಪೂರ್ಣ ತಪಾ ಸಣೆ ಮಾಡಬಹುದು. ಮಾಹಿತಿ ರವಾನೆಗೆ ಅಂತರ್ಜಾಲದ ನೆರವು ಪಡೆಯಲಾಗುತ್ತದೆ. ಮುಂದಿನ ದಿನಗಳಲ್ಲಿ ಆಫ್ಲೈನ್‌ನಲ್ಲೂ ಇದು ಸಾಧ್ಯವಿದೆ ಎಂದು ಪ್ರೊ.ಸುದೀಪ್‌ ಮಿಶ್ರಾ ತಿಳಿಸಿದ್ದಾರೆ.

ಆ್ಯಂಬುಸೆನ್ಸ್‌ ಕಾರ್ಯಾಚರಣೆ ಹೇಗೆ?: ಆ್ಯಂಬು ಲೆನ್ಸ್‌ನಲ್ಲಿ ವೈರ್‌ಲೆಸ್‌ ಸೆನ್ಸರ್‌ ಅಳವಡಿ ಸಿರಲಾಗುತ್ತದೆ. ಇದನ್ನು “ಆ್ಯಂಬುಸೆನ್ಸ್‌’ ಎನ್ನುತ್ತಾರೆ. ಇದು ದೂರದಲ್ಲಿರುವ ವೈದ್ಯರು ರೋಗಿಯ ತಪಾಸಣೆ ನಡೆಸುವ ತಂತ್ರಜ್ಞಾನ ಹೊಂದಿರುತ್ತದೆ. ವೈರ್‌ಲೆಸ್‌ ಸೆನ್ಸರ್‌ಗಳು, ವೈಫೈ, ಕೌಡ್‌ ತಂತ್ರಜ್ಞಾನಗಳ ಮೂಲಕ ಈ ಪರಿಶೀಲನೆ ಮಾಡಬಹುದಾಗಿದೆ. ಆದರೆ, ಆ್ಯಂಬುಲೆನ್ಸ್‌, ವೈದ್ಯರು, ಆಸ್ಪತ್ರೆ ಎಲ್ಲರ ಬಳಿಯೂ ಅಂತರ್ಜಾಲ ಸಂಪರ್ಕವಿರುವ ಲ್ಯಾಪ್‌ಟಾಪ್‌ ಅಥವಾ ಟ್ಯಾಬ್ಲೆಟ್‌ಗಳು ಇರಬೇಕಾಗುತ್ತದೆ.