“ಐ ಕಾಯಿನ್‌’ವಂಚನೆ: 250ಕ್ಕೂ ಹೆಚ್ಚು ದೂರು

ಚಿಕ್ಕಮಗಳೂರು: ಐಎಂಎ ಜ್ಯುವೆಲ್ಲರ್ಸ್‌ನ ಬಹುಕೋಟಿ ವಂಚನೆ ಪ್ರಕರಣದ ಬೆನ್ನಲ್ಲೇ ಚಿಕ್ಕಮಗಳೂರು ನಗರದಲ್ಲಿ ಬೆಳಕಿಗೆ ಬಂದ ಐ ಕಾಯಿನ್‌’ ವಂಚನೆ ಪ್ರಕರಣದಲ್ಲೂ ದೂರುಗಳ ಸಂಖ್ಯೆ ಹೆಚ್ಚುತ್ತಿದೆ.

ಮೋಸ ಹೋದ 250ಕ್ಕೂ ಹೆಚ್ಚು ಮಂದಿ ನಗರ ಪೊಲೀಸ್‌ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಮೂರು ಪಟ್ಟು ಹೆಚ್ಚಿನ ಹಣದ ಆಸೆ ತೋರಿಸಿ “ಐ ಕಾಯಿನ್‌’ ಹೆಸರಲ್ಲಿ ಹಣ ಸಂಗ್ರಹಿಸಿದ್ದ ರುಕ್ಸಿಂದಾಬಾನು ಎಂಬಾಕೆಯನ್ನು ಬಂಧಿಸಿರುವ ಸುದ್ದಿ ಮಾಧ್ಯಮಗಳಲ್ಲಿ ಪ್ರಕಟವಾಗುತ್ತಿದ್ದಂತೆ ಜನ ದೂರು ಸಲ್ಲಿಸಲು ನಗರ ಪೊಲೀಸ್‌ ಠಾಣೆಗೆ ದೌಡಾಯಿಸಿದ್ದಾರೆ.

ಈ ವಂಚನೆ ಪ್ರಕರಣದಲ್ಲಿ ಮೋಸ ಹೋದವರಿಂದ ದೂರು ಪಡೆಯಲೆಂದೇ ನಗರ ಠಾಣೆಯಲ್ಲಿ ಇಬ್ಬರು ಪೇದೆಗಳು ಹಾಗೂ ಪ್ರತ್ಯೇಕ ಟೇಬಲ್‌ ವ್ಯವಸ್ಥೆ ಮಾಡಲಾಗಿತ್ತು.