Hyderabad ಪೊಲೀಸ್‌ ಪ್ರೀವೆಡ್ಡಿಂಗ್‌ ಶೂಟ್‌ ವೈರಲ್‌

ಇತ್ತೀಚಿನ ದಿನಗಳಲ್ಲಿ ಪ್ರೀವೆಡ್ಡಿಂಗ್‌ ಫೋಟೋಶೂಟ್‌ ಮದುವೆಯ ಭಾಗವೇ ಆಗಿ ಹೋಗಿದೆ. ಹೊಸ ರೀತಿಯಲ್ಲಿ ಎಲ್ಲರಿಗಿಂತ ವಿಭಿನ್ನವಾಗಿ ಫೋಟೋಶೂಟ್‌ ಮಾಡಲು ಜೋಡಿಗಳು ಮುಂದಾಗುತ್ತಿವೆ.

ಹೈದರಾಬಾದ್‌ನಲ್ಲಿ ಪೊಲೀಸ್‌ ಜೋಡಿಯೊಂದು ಮಾಡಿರುವ ಅಂಥದ್ದೇ ಫೋಟೋಶೂಟ್‌ ಇದೀಗ ವೈರಲ್‌ ಆಗಿ, ನೆಟ್ಟಿಗರಿಂದ ಮಿಶ್ರ ಪ್ರತಿಕ್ರಿಯೆ ಸ್ವೀಕರಿಸಿದೆ. ಪೊಲೀಸ್‌ ದಂಪತಿಗಳಿಬ್ಬರು ತಮ್ಮ ಸಮವಸ್ತ್ರ ಹಾಗೂ ಪೊಲೀಸ್‌ ಠಾಣೆಯ ಮೂಲ ಸೌಕರ್ಯಗಳನ್ನೇ ಬಳಸಿ ವಿಡಿಯೋ ಶೂಟ್‌ ಮಾಡಿಸಿದ್ದಾರೆ.

ಕೆಲವು ನೆಟ್ಟಿಗರು ಇದು ಪವರ್‌ಫುಲ್ ಪೊಲೀಸ್‌ ಜೋಡಿಯ ಖದರ್‌ ಎಂದು ಕೊಂಡಾಡಿದರೆ ಮತ್ತೆ ಕೆಲವರು ತಮ್ಮ ವೈಯಕ್ತಿಕ ಫೋಟೋಶೂಟ್‌ಗೆ ಸರ್ಕಾರಿ ಕಾರು, ಸಮವಸ್ತ್ರ ಬಳಸಿಕೊಂಡಿದ್ದು ತಪ್ಪು ಎಂದು ಕಮೆಂಟ್‌ ಮಾಡಿದ್ದಾರೆ.