ಮಾಡೆಲ್‌ ಪತ್ನಿಯನ್ನು ಮತಾಂತರಿಸಿದ ಗಂಡನಿಂದ ಬೇರೆ ಮದುವೆ

ಮುಂಬಯಿ : ಮಾಜಿ ರೂಪದರ್ಶಿಯೊಬ್ಬಳು ‘ತನ್ನ ಮುಸ್ಲಿಂ ಪತಿ ತನ್ನನ್ನು ಹೊಡೆದು ಬಡಿದು ಇಸ್ಲಾಂ ಗೆ ಮತಾಂತರವಾಗುವಂತೆ ಬಲವಂತ ಮಾಡಿದ’ ಎಂದು ದೂರಿದ್ದಾಳೆ.

“ನನ್ನನ್ನು ಬಲವಂತದಿಂದ ಇಸ್ಲಾಂ ಗೆ ಮತಾಂತರಿಸಿದ ಬಳಿಕ ನನ್ನ ಪತಿ ಬೇರೊಬ್ಬ ಹಿಂದು ಹುಡುಗಿಯನ್ನು ವಿವಾಹವಾಗಿದ್ದಾನೆ; ಆಕೆ ಆತನ ಅರ್ಧ ವಯಸ್ಸಿನವಳಾಗಿದ್ದಾಳೆ; ಈಗ ನನ್ನ ಮುಸ್ಲಿಂ ಪತಿ ನನ್ನನ್ನು ತನ್ನ ಮನೆಯಂದ ಹೊರಗಟ್ಟಲು ಯತ್ನಿಸುತ್ತಿದ್ದಾನೆ; ನನಗೆ ಆತನಿಂದ ತೀವ್ರ ಮಟ್ಟದ ಜೀವ ಬೆದರಿಕೆ ಇದೆ’ ಎಂದು ಆ ಮಾಜಿ ಮಾಡೆಲ್‌ ತನ್ನ ದುರಂತಮಯ ವೈವಾಹಿಕ ಬದುಕನ್ನು ಬಹಿರಂಗಪಡಿಸಿದ್ದಾಳೆ. 

“ನಾನೊಬ್ಬ ಹಿಂದು ಮಹಿಳೆ; ಆತನ ಒತ್ತಡಕ್ಕೆ ನಾನು ಮಣಿಯಲಿಲ್ಲ’ ಎಂದಾಕೆ ಹೇಳಿದ್ದಾಳೆ. 

ಸಂತ್ರಸ್ತ ಮಹಿಳೆಯು ಈ ಬಗ್ಗೆ ಇಬ್ಬರು ವ್ಯಕ್ತಿಗಳ ವಿರುದ್ಧ  ಬಾಂದ್ರಾ ಪೊಲೀಸರಿಗೆ ದೂರು ನೀಡಿದ್ದು ಅವರು ತನಿಖೆಯನ್ನು ಕೈಗೊಂಡಿದ್ದಾರೆ.