ಉತ್ತರ ಪ್ರದೇಶಕ್ಕೆ ಭಾರಿ ಬಂಡವಾಳ ಹೂಡಿಕೆ

ಲಕ್ನೋ:ಉತ್ತರ ಪ್ರದೇಶಕ್ಕೆ ಬೆಲ್ಜಿಯಂ, ಜರ್ಮನಿ, ಸ್ವೀಡನ್‌ಗಳಿಂದ 77, 140 ಕೋಟಿ ರೂ. ಮೊತ್ತದ ಬಂಡವಾಳ ಹೂಡಿಕೆ ಪ್ರಸ್ತಾಪಗಳು ಬಂದಿವೆ.

ಈ ಬಗ್ಗೆ ರಾಜ್ಯದ ಕೈಗಾರಿಕಾ ಅಭಿವೃದ್ಧಿ ಸಚಿವ ನಂದಗೋಪಾಲ್‌ ಗುಪ್ತಾ ಹೇಳಿದ್ದಾರೆ.

ಲೋಕೋಪಯೋಗಿ ಸಚಿವ ಜಿತಿನ್‌ ಪ್ರಸಾದ ಸಹಿತವಾಗಿ ಮೂರು ರಾಷ್ಟ್ರಗಳ ಪ್ರವಾಸ ಕೈಗೊಂಡ ಸಂದರ್ಭದಲ್ಲಿ ಈ ಹೂಡಿಕೆ ಪ್ರಸ್ತಾಪನೆಗಳು ಬಂದಿವೆ.

2023ರ ಫೆಬ್ರವರಿಯಲ್ಲಿ ಲಕ್ನೋದಲ್ಲಿ ಬಂಡವಾಳ ಹೂಡಿಕೆ ಸಮಾವೇಶ ನಡೆಯಲಿದೆ. ಅದಕ್ಕೆ ಪೂರಕವಾಗಿ ಈ ಪ್ರವಾಸ ನಡೆದಿದೆ.