Advertisement

ಸೂಪರ್ ಹಿಟ್ ಆಯ್ತು ರಣಬೀರ್ ಕಪೂರ್ ‘ಬ್ರಹ್ಮಾಸ್ತ್ರ’: ಎರಡೇ ದಿನಕ್ಕೆ ಚಿತ್ರ ಗಳಿಸಿದ್ದೆಷ್ಟು?

03:05 PM Sep 11, 2022 | Team Udayavani |

ಬಾಲಿವುಡ್ ನ ಬಹು ನಿರೀಕ್ಷಿತ ಚಿತ್ರವಾದ ‘ಬ್ರಹ್ಮಾಸ್ತ್ರ’ ಸೆ.9ರಂದು ತೆರೆಗಪ್ಪಳಿಸಿದೆ. ಬಾಯ್ಕಾಟ್ ಟ್ರೆಂಡ್ ನ ನಡುವೆಯೂ ಚಿತ್ರಮಂದಿರಗಳಿಗೆ ಲಗ್ಗೆಯಿಟ್ಟಿದ್ದ ‘ಬ್ರಹ್ಮಾಸ್ತ್ರ’ ಬಾಲಿವುಡ್ ಮಂದಿಯನ್ನು ತನ್ನ ಉತ್ತಮ ಆರಂಭದಿಂದ ನಿರಾಳರನ್ನಾಗಿಸಿದೆ.

Advertisement

ರಣಬೀರ್ ಕಪೂರ್ ಮತ್ತು ಆಲಿಯಾ ಭಟ್ ಮುಖ್ಯ ಪಾತ್ರಗಳಲ್ಲಿ ನಟಿಸಿರುವ ‘ಬ್ರಹ್ಮಾಸ್ತ್ರ’ ವಿಶ್ವದಾದ್ಯಂತ 8913 ಸ್ಕ್ರೀನ್ ಗಳಲ್ಲಿ ರಿಲೀಸ್ ಆಗಿತ್ತು. ಆದರೂ ಅಯಾನ್ ಮುಖರ್ಜಿ ನಿರ್ದೇಶನದ ಚಿತ್ರವು ಮೊದಲ ದಿನ ಭಾರತ ಮಾರುಕಟ್ಟೆಯಲ್ಲೇ 37 ಕೋಟಿ ರೂ ಗಳಿಸಿತ್ತು.

ಇದನ್ನೂ ಓದಿ:ವೀಲ್‌ ಚೇರ್‌ ನಲ್ಲಿ ಫುಡ್‌ ಡೆಲಿವೆರಿ: ಸ್ಪೂರ್ತಿಯಾದ ವಿಶೇಷ ಚೇತನ ಮಹಿಳೆ; ವಿಡಿಯೋ ವೈರಲ್

ವಿಶ್ವದಾದ್ಯಂತ ಉತ್ತಮ ಆರಂಭ ಪಡೆದಿರುವ ರಣಬೀರ್ ಕಪೂರ್ ಚಿತ್ರವು ಕೇವಲ ಎರಡು ದಿನಗಳಲ್ಲಿ 160 ಕೋಟಿ ರೂ ಗಳಿಸಿದೆ. ಶುಕ್ರವಾರ 75 ಕೋಟಿ ರೂ ಗಳಿಸಿದ ಚಿತ್ರವು, ಶನಿವಾರ ವಿಶ್ವ ಮಾರುಕಟ್ಟೆಯಲ್ಲಿ 85 ಕೋಟಿ ರೂ ಸಂಪಾದಿಸಿದೆ.

ಇದರಲ್ಲಿ ಭಾರತೀಯ ಮಾರುಕಟ್ಟೆಯಲ್ಲಿ ಚಿತ್ರವು ಮೊದಲ ದಿನ 37 ಕೋಟಿ ರೂ ಸಂಪಾದನೆ ಮಾಡಿದ್ದರೆ, ಶನಿವಾರ 42 ಕೋಟಿ ರೂ ಗಳಿಕೆ ಮಾಡಿದೆ. ಎರಡು ದಿನಗಳಲ್ಲಿ ಭಾರತದಲ್ಲಿ ಬ್ರಹ್ಮಾಸ್ತ್ರ ಚಿತ್ರವು ಒಟ್ಟು 79 ಕೋಟಿ ರೂ ಗಳಿಕೆ ಮಾಡಿದ್ದರೆ, 93 ಕೋಟಿ ರೂ ನಿವ್ವಳ ಗಳಿಕೆ ಮಾಡಿದೆ ಎಂದು ಫಿಲ್ಮ್ ಟ್ರೇಡ್ ಅನಲಿಸ್ಟ್ ಸಮಿತ್ ಕಡೇಲ್ ಟ್ವೀಟ್ ಮಾಡಿದ್ದಾರೆ.

Advertisement

‘ಬ್ರಹ್ಮಾಸ್ತ್ರ’ ಚಿತ್ರವು ಎರಡು ಭಾಗಗಳಲ್ಲಿ ತಯಾರಾಗುತ್ತಿದೆ. ಮೊದಲ ಭಾಗ ಶಿವದಲ್ಲಿ ರಣಬೀರ್, ಆಲಿಯಾ ಭಟ್ ಜೊತೆಗೆ ಅಮಿತಾಭ್ ಬಚ್ಚನ್, ನಾಗಾರ್ಜುನ, ಮೌನಿ ರಾಯ್, ಸೌರವ್ ಗುರ್ಜಾರ್ ಮುಂತಾದವರು ನಟಿಸಿದ್ದಾರೆ.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next