ಕಲಬುರಗಿ: ಮಾಜಿ ಪ್ರಧಾನಿ, ಬಿಜೆಪಿ ಹಿರಿಯ ನಾಯಕ, ಅಜಾತಶತ್ರು ಅಟಲ್‌ ಬಿಹಾರಿ ವಾಜಪೇಯಿ ನಿಧನಕ್ಕೆ ನಗರದಲ್ಲಿ ಶುಕ್ರವಾರ ಹಲವು ಗಣ್ಯರು, ಸಂಘ-ಸಂಸ್ಥೆಗಳು, ಸಂಘಟನೆಗಳು, ನಾಗರಿಕರು ಶ್ರದ್ಧಾಂಜಲಿ ಸಲ್ಲಿಸಿದರು.
ಬಾಬುರಾವ್‌ ಚವ್ಹಾಣ ಸಂತಾಪ: ಮಾಜಿ ಸಚಿವ, ರಾಜ್ಯ ಬಿಜೆಪಿ ಉಪಾಧ್ಯಕ್ಷ ಬಾಬುರಾವ್‌ ಚವ್ಹಾಣ ಸಂತಾಪ ಸೂಚಿಸಿದ್ದು, ವಾಜಪೇಯಿ ಆತ್ಮಕ್ಕೆ ದೇವರು ಶಾಂತಿ ನೀಡಲಿ ಮತ್ತು ಕುಟುಂಬದವರಿಗೆ ಅವರ ಅಗಲಿಕೆಯ ನೋವು ಭರಿಸುವ ಶಕ್ತಿ ನೀಡಲಿ ಎಂದು ಪ್ರಾರ್ಥಿಸಿದ್ದಾರೆ.
ಕನ್ನಡ ರಣಧೀರರ ಪಡೆ: ಜಿಲ್ಲಾ ಘಟಕದ ಪದಾಧಿಕಾರಿಗಳು ಶ್ರದ್ಧಾಂಜಲಿ ಸಲ್ಲಿಸಿ, ವಾಜಪೇಯಿ ಅವರ ಜೀವನ-ಸಾಧನೆಯನ್ನು ಪಠ್ಯ ಪುಸ್ತಕದಲ್ಲಿ ಅವಳಡಿಸಬೇಕೆಂದು ಒತ್ತಾಯಿಸಿದರು. ಜಿಲ್ಲಾಧ್ಯಕ್ಷ ಆನಂದ ಕಪನೂರ, ಹೈಕ ಭಾಗದ ಸಂಚಾಲಕ ನಾಗರಾಜ ಬಾಣೆಕಾರ, ರೇಣುಕಾ ಗಾಯಕವಾಡ ಮತ್ತಿತರರು ಇದ್ದರು.
ಕನ್ನಡ ಪರ ಸಂಘಟನೆಗಳ ಒಕ್ಕೂಟ: ನಗರದ ಸರ್ದಾರ್‌ ವಲ್ಲಭಭಾಯಿ ಪಟೇಲ ವೃತ್ತದಲ್ಲಿ ಶ್ರದ್ಧಾಂಜಲಿ ಅರ್ಪಿಸಿತು. ಸಚಿನ ಫರಹತಾಬಾದ್‌, ಮಂಜುನಾಥ ನಾಲವಾರಕರ್‌, ಕಾಶಿನಾಥ ಮಾಳಗೆ, ದತ್ತು ಭಾಸಗಿ, ನಾಗರಾಜ ಸ್ವಾದಿ ಇದ್ದರು.
ಹಿಂದೂ ಮಹಾಸಭಾ: ಜಿಲ್ಲಾ ಘಟಕದಿಂದ ಶ್ರದ್ಧಾಂಜಲಿ ಸಲ್ಲಿಸಲಾಯಿತು. ಜಿಲ್ಲಾ ಸಂಘಟನಾ ಕಾರ್ಯದರ್ಶಿ ಭೀಮಾಶಂಕರ ರಾಜಗುಂಡೆ, ರಾಜ್ಯ ಉಪಾಧ್ಯಕ್ಷ ದಿನಕರರಾವ್‌ ನಾರಾಯಣ ರಾವ್‌ ಕುಲಕರ್ಣಿ ಅಷ್ಠಿಗಿ, ಕೋಶಾಧ್ಯಕ್ಷ ಪ್ರಮೋದ ಚೌದ್ರಿ, ಮಾಜಿ ಜಿಲ್ಲಾಧ್ಯಕ್ಷ ಧರ್ಮರಾಜ ವಡೆಯರ್‌, ಮರುಳಾರಾಧ್ಯ ಮಠಪತಿ ಮತ್ತಿತರರು ಇದ್ದರು.
ಹುಮನಾಬಾದ ರಿಂಗ್‌ ರಸ್ತೆ: ಉದ್ಯಮಿ ರಾಮಚಂದ್ರ ರಘೋಜಿ ಮತ್ತಿತರರು ಶ್ರದ್ಧಾಂಜಲಿ ಸಲ್ಲಿಸಿದರು. ಸಿದ್ದಾಜಿ ಪಾಟೀಲ, ಗುರು ಸ್ವಾಮಿ, ಸಚಿನ ರೆಡ್ಡಿ, ಸಿ.ಬಿ.ಪಾಟೀಲ, ದಯಾನಂದ, ಸಂಜು ಮಡಗಿ, ಶರಣು ಕಲಶೆಟ್ಟಿ, ವಿಷ್ಣು ಸುರಪುರ ಇದ್ದರು.
ವಿವೇಕ ಗ್ರೂಪ್‌: ಹುಮನಾಬಾದ ರಿಂಗ್‌ ರಸ್ತೆಯಲ್ಲಿ ನಮನ ಸಲ್ಲಿಸಿದರು. ಅಧ್ಯಕ್ಷ ಸಿದ್ಧಾಜಿ ಪಾಟೀಲ. ಸಂಗಮೇಶ ಮನಳ್ಳಿ, ರವಿ ಪಾಟೀಲ, ದಯಾನಂದ ಗುತ್ತೆದಾರ, ಚನ್ನು ಫದಿರಬಂದಿ ಮತ್ತಿತರರು ಇದ್ದರು.
