Daily Horoscope: ಉದ್ಯೋಗ ಸ್ಥಾನದಲ್ಲಿ ಪ್ರತಿಭೆಗೆ ಸಮ್ಮಾನ, ವ್ಯವಹಾರದಲ್ಲಿ ಲಾಭ

ಮೇಷ: ಎಲ್ಲವೂ ಪೂರ್ವನಿರ್ಧಾರಿತವಾದರೂ ಪ್ರಾರ್ಥನೆಯಿಂದ ಇಷ್ಟಾರ್ಥ ಈಡೇರಬಹು ದಾಗಿದೆ. ಉದ್ಯೋಗ ಸ್ಥಾನದಲ್ಲಿ ಪೂಜೆಯ ಸಂಭ್ರಮ. ಧಾರ್ಮಿಕ ಕಾರ್ಯಕ್ರಮದಲ್ಲಿ ಮಾರ್ಗದರ್ಶಕನ ಪಾತ್ರ. ಉದ್ಯಮದ ನೌಕರರಿಂದ ಉತ್ಸಾಹದ ಪಾಲುಗೊಳ್ಳುವಿಕೆ.

ವೃಷಭ: ಕುಟುಂಬದ ನಿರೀಕ್ಷೆಯನ್ನು ಈಡೇರಿಸುವ ಮನಸ್ಸಿದ್ದರೂ ಅನುಕೂಲದ ಪರಿಸ್ಥಿತಿ ನಿರ್ಮಾಣವಾಗದಿರುವುದಕ್ಕೆ ಬೇಸರ ಬೇಡ. ಉದ್ಯೋಗದ ಜವಾಬ್ದಾರಿ ನಿರ್ವಹಣೆಯತ್ತ ಲಕ್ಷ್ಯ ಇರಲಿ. ಉದ್ಯಮದ ಉತ್ಪನ್ನಗಳ ಗುಣಮಟ್ಟ ಉಳಿಸಿಕೊಳ್ಳುವ ಪ್ರಯತ್ನ.

ಮಿಥುನ: ಗುರುಚರಣಗಳ ಕೃಪೆಯಿಂದ ಎಲ್ಲವೂ ಸುಗಮ. ಉದ್ಯೋಗ ಸ್ಥಾನದಲ್ಲಿ ಪ್ರತಿಭೆಗೆ ಸಮ್ಮಾನ. ಉದ್ಯಮದ ನೌಕರರ ಮೇಲಿನ ವಾತ್ಸಲ್ಯ ಪ್ರಕಟನೆಯಿಂದ ಕಂಟಕಗಳು ದೂರ. ಬಾಲ್ಯದ ಒಡನಾಡಿಯ ದರ್ಶನ. ಪಿತ್ರಾರ್ಜಿತ ಆಸ್ತಿ ಅಭಿವೃದ್ಧಿಗೆ ಕಾರ್ಯಯೋಜನೆ.

ಕರ್ಕಾಟಕ: ಯೋಜನಾ ಬದ್ಧವಾದ ಕಾರ್ಯ ನಿರ್ವಹಣೆಯಿಂದ ನಿರೀಕ್ಷಿತ ಯಶಸ್ಸು. ಉದ್ಯೋಗ ಸ್ಥಾನದಲ್ಲಿ ಹೊಸಬರಿಗೆ ಮಾರ್ಗದರ್ಶನ ಮಾಡುವ ಗುರುಸ್ಥಾನ ಪ್ರಾಪ್ತಿ. ವಸ್ತ್ರ, ಆಭರಣ, ಪಾದರಕ್ಷೆ, ಶೋಕಿ ಸಾಮಗ್ರಿ ವ್ಯಾಪಾರಿಗಳಿಗೆ ನಿರೀಕ್ಷೆ ಮೀರಿದ ಲಾಭ.

ಸಿಂಹ: ಬಹುನಿರೀಕ್ಷಿತ ಕಾರ್ಯ ಮುಗಿಸಿದ ಸಮಾಧಾನ. ಉದ್ಯೋಗ ಸ್ಥಾನದಲ್ಲಿ ಯಥಾಸ್ಥಿತಿ ಮುಂದುವರಿಕೆ. ಆಪ್ತರಿಂದ ಅಪೇಕ್ಷಿತ ಮಟ್ಟದಲ್ಲಿ ಸಹಾಯ. ಸ್ವಂತ ಉದ್ಯಮ ಸ್ಥಾಪಿಸುವ ಹುಡುಗರಿಗೆ ಸಮಯೋಚಿತ ಮಾರ್ಗದರ್ಶನ. ಐಟಿ ಉದ್ಯೋಗಿ ದಂಪತಿಗಳಿಗೆ ಮಾನಸಿಕ ಒತ್ತಡ ನಿವಾರಣೆಗೆ ಸಲಹೆ.

ಕನ್ಯಾ: ಪ್ರತಿಕೂಲ ಪರಿಸ್ಥಿತಿಯನ್ನು ಅನುಕೂಲವಾಗಿ ಬದಲಾಯಿಸುವ ಪ್ರಯತ್ನ ಯಶಸ್ವಿ.ಉದ್ಯೋಗ ಸ್ಥಾನದಲ್ಲಿ ಸ್ಥಿರ ವಾತಾವರಣ. ಮಾಲಕರಿಗೆ ಸಮಾಧಾನ. ಹೊಸ ನೌಕರರ ಸೇರ್ಪಡೆಗೆ ಅನುಮೋದನೆ. ದಾಯಾದಿ ಕಲಹ ಮುಕ್ತಾಯ. ಗುರುಸ್ಥಾನದಲ್ಲಿರುವ ವ್ಯಕ್ತಿಯ ಭೇಟಿ.

ತುಲಾ: ಮಾನಸಿಕ ಸಮತೋಲನ ಕಾಯ್ದುಕೊಳ್ಳುವ ಪ್ರಯತ್ನ ಸಫಲ. ಗುರುಸ್ಥಾನಕ್ಕೆ ಭೇಟಿ ನೀಡಲು ನಿರ್ಧಾರ. ಉದ್ಯೋಗದಲ್ಲಿ ಸಹೋದ್ಯೋಗಿಗಳಿಗೆ ಸಹಾಯ ಮಾಡುವ ಅವಕಾಶ. ತಾಯಿಯ ಕುಟುಂಬದ ಹಿರಿಯರ ಆಗಮನ. ಮಕ್ಕಳ ಪ್ರತಿಭಾ ಪ್ರದರ್ಶನದಿಂದ ಪೋಷಕರಿಗೆ ಹರ್ಷ.

ವೃಶ್ಚಿಕ: ಉದ್ಯೋಗ, ಉದ್ಯಮ ಎರಡು ರಂಗಗಳಲ್ಲೂ ಸಮಾನ ಸಮಾಧಾನದ ದಿನ. ಉದ್ಯಮ ನೌಕರರಿಂದ ಗೌರವಾರ್ಪಣೆ. ಲೇವಾದೇವಿ ವ್ಯವಹಾರದಲ್ಲಿ ಲಾಭ. ಸಟ್ಟಾ ವ್ಯವಹಾರದಿಂದ ಪ್ರತಿಕೂಲ ಪರಿಣಾಮ. ಯಂತ್ರೋಪಕರಣ ವ್ಯಾಪಾರಿಗಳಿಗೆ ಆದಾಯ ವೃದ್ಧಿ. ಧನು: ಕೊಂಚ ಕಾಲ ಸ್ಥಗಿತವಾಗಿದ್ದ ಬೌದ್ಧಿಕ ಚಟುವಟಿಕೆಗಳು ಪುನರಾರಂಭ. ಹಳೆಯ ಸಹೋದ್ಯೋಗಿಯ ಭೇಟಿ. ಸ್ವಂತ ಉದ್ಯಮದ ನೌಕರ ವೃಂದಕ್ಕೆ ಹರ್ಷ. ಕೃಷಿ ಚಟುವಟಿಕೆಗಳ ವಿಸ್ತರಣೆ ಯೋಜನೆಯ ನೀಲನಕ್ಷೆ ತಯಾರಿ. ಸಂಗೀತ ವಿದ್ವಾಂಸರ ಭೇಟಿ.

ಮಕರ: ಅನಪೇಕ್ಷಿತ ವ್ಯಕಿÂಗಳ ಹಸ್ತಕ್ಷೇಪದಿಂದ ಕಿರಿಕಿರಿ. ಕುಟುಂಬದ ಸದಸ್ಯರಿಗೋಸ್ಕರ ವೈದ್ಯರೊಂದಿಗೆ ಭೇಟಿ. ಸ್ವಂತ ವೃತ್ತಿ ಆರಂಭಿದಲು ನಿರ್ಧಾರ. ಬಂಗಾರದ ಅಂಗಡಿಗೆ ಸಂದರ್ಶನ. ಆಪ್ತರ ಮನೆಯ ಪೂಜಾಕಾರ್ಯಗಳಲ್ಲಿ ಪಾಲುಗೊಳ್ಳುವ ಅವಕಾಶ. ವಾಹನ ಚಾಲನೆ ಕಲಿಯಲು ನಿರ್ಧಾರ.

ಕುಂಭ: ದಿನವಿಡೀ ಬಿಡುವಿಲ್ಲದ ಚಟುವಟಿಕೆಗಳು. ಉದ್ಯೋಗ ಸ್ಥಾನದಲ್ಲಿ ಸೂಕ್ತ ಮಾರ್ಗದರ್ಶನದ ಜವಾಬ್ದಾರಿ. ಉದ್ಯಮ ಸ್ಥಾನದಲ್ಲಿ ಪೂಜಾ ಕಾರ್ಯಕ್ರಮದ ಯಾಜಮಾನ್ಯ ಉತ್ಪನ್ನಗಳಿಗಾಗಿ ಅಕಸ್ಮಾತ್‌ ಬಂದ ಬೇಡಿಕೆಯ ಕಡೆಗೆ ಗಮನ ಹರಿಸುವ ಅನಿವಾರ್ಯತೆ. ಮಕ್ಕಳಿಗೆ ಸಂಭ್ರಮ.

ಮೀನ: ಹಬ್ಬ ಆಚರಣೆ, ಉದ್ಯೋಗ, ವ್ಯವಹಾರಗಳ ಯಶಸ್ವೀ ನಿರ್ವಹಣೆ ಮಾಡಿದ ತೃಪ್ತಿ. ಉದ್ಯೋಗ ಕ್ಷೇತ್ರದ ಮಿತ್ರರು ಮತ್ತು ಒಡನಾಡಿಗಳೊಂದಿಗೆ ಸಮ್ಮಿಲನ. ಕುಲಪುರೋಹಿತರಿಗೆ ಗೌರವ ಸಲ್ಲಿಕೆ. ಸರಕಾರಿ ಇಲಾಖೆಯ ಅಧಿಕಾರಿಗಳೊಂದಿಗೆ ಸೌಜನ್ಯದ ಭೇಟಿ.ಗುರುಹಿರಿಯರ ಭೇಟಿಗಾಗಿ ಸಣ್ಣ ಪ್ರಯಾಣ ಸಂಭವ. ಕೃಷಿಯೊಂದಿಗೆ ಸಣ್ಣ ಪ್ರಮಾಣದಲ್ಲಿ ಪಶುಪಾಲನೆ ಕೈಗೊಳ್ಳಲು ನಿರ್ಧಾರ.