ಇಂದಿನ ಗ್ರಹಬಲ: ನಿಮ್ಮನ್ನು ಅರ್ಥೈಸಿಕೊಳ್ಳುವ ಉತ್ತಮ ಪತ್ನಿಯು ನಿಮಗೆ ದೊರಕಿಯಾಳು

24-04-2021

ಮೇಷ:ನಿಮ್ಮ ಅತೀ ಅಭಿಲಾಷೆಯಿಂದ ದೈಹಿಕ ಹಾಗೂ ಮಾನಸಿಕ ಪೀಡೆಗಳಿಗೆ ಕಾರಣರಾಗುವಿರಿ. ಎಷ್ಟು ಬಂದರೂ ಸಾಲದು ಎಂಬ ಮನೋಭಾವ ನಿಮ್ಮದು. ಇದರಿಂದ ಸ್ವಲ್ಪ ದೂರವಿರಿ. ಶಾಂತಿ ನೆಮ್ಮದಿಯಿಂದ ಬದುಕಿರಿ.

ವೃಷಭ: ಮನಸ್ಸಿಗೆ ಸಮಾಧಾನ ಹಾಗೂ ಧೈರ್ಯ ತಂದುಕೊಂಡು ಮುನ್ನಡೆಯಿರಿ. ಧನಾತ್ಮಕವಾಗಿ ಆಲೋಚನೆ ಮಾಡಿದರೆ ಉತ್ತಮ. ಆರೋಗ್ಯದ ಬಗ್ಗೆ ಚಿಂತೆ ಬೇಡ. ನಿಧಾನವಾಗಿಯಾದರೂ ಸುಧಾರಿಸುವುದು. ಶುಭವಿದೆ.

ಮಿಥುನ: ಸಾಮಾಜಿಕ ಸೇವಾ ಕಾರ್ಯಗಳಲ್ಲಿ ಸಮಯವನ್ನು ವ್ಯಯಿಸಿದಷ್ಟು ನಿಮಗೆ ಸಮಾಧಾನ ಸಿಗಲಿದೆ. ವಿದ್ಯಾರ್ಥಿಗಳು ಕ್ರಿಯಾಶೀಲತೆಯಿಂದ ಮುನ್ನಡೆದಲ್ಲಿ ಉತ್ತಮ ಪ್ರಗತಿ ಕಾಣುವಿರಿ. ಉದ್ವೇಗವು ಉತ್ತಮವಲ್ಲ .

ಕರ್ಕ: ವ್ಯಾಪಾರ, ವ್ಯವಹಾರಗಳಲ್ಲಿ ಲಾಭಾಂಶವು ಕಂಡುಬರುವುದು. ಮನೆಯಲ್ಲಿ ಮನದಲ್ಲಿ ಸಂತಸವಿರುವುದು. ವಿದ್ಯಾರ್ಥಿ ವೃಂದಕ್ಕೆ ಒಳ್ಳೆಯ ಫ‌ಲಿತಾಂಶ ಕಂಡು ಬರುವುದು. ಉದ್ಯೋಗಾಪೇಕ್ಷಿಗಳಿಗೂ ಸಮಾಧಾನ ಸಿಗಲಿದೆ.

ಸಿಂಹ: ನಿಮ್ಮ ಬಂಧುಬಳಗದವರೆಲ್ಲಾ ದೂರ ಸರಿದಾರು. ಆದರೂ ಅದು ನಿಮ್ಮ ಒಳ್ಳೆಯದಕ್ಕೇ ಎಂದು ತಿಳಿಯಿರಿ. ನಿಮ್ಮನ್ನು ಅರ್ಥೈಸಿಕೊಳ್ಳುವ ಉತ್ತಮ ಪತ್ನಿಯು ನಿಮಗೆ ದೊರಕಿಯಾಳು. ಮುಂದಿನ ಹೆಜ್ಜೆ ಧೈರ್ಯದಾಗಲಿ.

ಕನ್ಯಾ: ಆರ್ಥಿಕ ಗಳಿಕೆ ಉತ್ತಮವಿದ್ದರೂ ಉಳಿತಾಯದ ಬಗ್ಗೆ ಹಾಗೂ ಲೆಕ್ಕಾಚಾರದಲ್ಲಿ ಹೆಚ್ಚಿನ ಜಾಗ್ರತೆ ಮಾಡುವುದು. ವಾಣಿಜ್ಯೋದ್ಯಮಿಗಳಿಗೆ, ಶಿಕ್ಷಣ ತಜ್ಞರಿಗೆ, ಕಲಾವಿದರಿಗೆ ಉತ್ತಮ ಮುನ್ನಡೆ ಕಂಡುಬರುವುದು. ಶುಭವಿದೆ.

ತುಲಾ: ಮಂಗಲ ಕಾರ್ಯದ ಚಿಂತನೆ ಕಾರ್ಯಗತವಾಗಲು ಸ್ವಲ್ಪ ಪರಿಶ್ರಮದ ಅಗತ್ಯ ಕಂಡುಬರುವುದು. ಸಾಮಾಜಿಕ ವಾಗಿ ನಿಮ್ಮ ಹೆಸರು ಕೇಳಿ ಬರಲಿದೆ. ಸನ್ಮಾನಗಳಿಗೆಲ್ಲಾ ಸೋಲದಿರಿ. ಗಳಿಕೆಯಲ್ಲಿ ಸ್ವಲ್ಪ ಏರುಪೇರು.

ವೃಶ್ಚಿಕ: ಆರ್ಥಿಕ ಸ್ಥಿತಿಯು ಎಷ್ಟು ಉತ್ತಮವಿದ್ದರೂ ಖರ್ಚುವೆ್ಚಗಳು ಅಷ್ಟೇ ಪ್ರಮಾಣದಲ್ಲಿ ಕಂಡುಬರುವುದು. ಮಾನಸಿಕ ಅಸ್ಥಿರತೆಯು ಹಾಗೂ ಋಣಾತ್ಮಕ ಚಿಂತನೆಯು ಕಾಡಲಿದೆ. ನೌಕರ ವರ್ಗದವರ ಕೊರತೆ ಇರುವುದು.

ಧನು: ಆರ್ಥಿಕವಾಗಿ ಋಣಬಾಧೆಯನ್ನು ಕಳಚಿಕೊಂಡ ಸಮಾಧಾನ ನಿಮಗೆ ಕಂಡುಬರುವುದು. ಅವಿವಾಹಿತರಿಗೆ ವೈವಾಹಿಕ ಪ್ರಸ್ತಾವಗಳು ಹುಡುಕಿಕೊಂಡು ಬಂದಾವು. ವ್ಯವಹಾರದಲ್ಲಿ ವಂಚಕರ ಕೈವಾಡ ಇದ್ದೀತು.

ಮಕರ: ರಾಜಕೀಯದವರಿಗೆ ಭವಿಷ್ಯವು ಮುಸುಕಾದೀತು. ಗೃಹ ನಿವೇಶನ, ಭೂಖರೀದಿಗೆ ಧನವ್ಯಯವು ಕಂಡುಬರುವುದು. ವಿದ್ಯಾರ್ಥಿಗಳಿಗೆ ಸತತ ಓದು ಉತ್ತಮ ಫ‌ಲಿತಾಂಶಕ್ಕೆ ಕಾರಣವಾದೀತು. ಶುಭವಿದೆ.

ಕುಂಭ: ಹೇರಳ ಸಂಪಾದನೆಯಿದ್ದಾಗ ಕೂಡಿಟ್ಟ ಹಣವು ನೀರಿನಂತೆ ಖರ್ಚಾದೀತು. ನಾನಾ ರೀತಿಯ ಪ್ರತಿಕೂಲತೆಗಳಿಂದ ಆಗಾಗ ಉದ್ಯೋಗದಲ್ಲಿ ವ್ಯವಹಾರದಲ್ಲಿ , ಕಿರಿಕಿರಿ ಕಂಡುಬರುವುದು. ಉದ್ವೇಗವು ಬೇಡ.

ಮೀನ: ಮಾನಸಿಕ ಕ್ಷೋಭೆಯಿಂದ ಬಳಲಿದ ನಿಮಗೆ ಕುಟುಂಬದಲ್ಲಿ ಕೂಡಾ ಅಸಮಾಧಾನದ ವಾತಾವರಣದಿಂದ ಮುಕ್ತರಾಗುವಿರಿ. ಹಂತಹಂತವಾಗಿ ಪ್ರಗತಿ ಕಾಣುವಿರಿ. ಇದು ಶುಭಮಂಗಲ ಕಾರ್ಯಕ್ಕೆ ಉತ್ತಮ ಕಾಲ.

ಎನ್.ಎಸ್.ಭಟ್