Hebbuli; ರೀ ರಿಲೀಸ್‌ನತ್ತ ಹೆಬ್ಬುಲಿ; ಮುಂದುವರೆದ ಸ್ಟಾರ್‌ ಸಿನಿಮಾಗಳ ಮರು ಬಿಡುಗಡೆ

ಸ್ಟಾರ್‌ ಸಿನಿಮಾಗಳ ರೀ ರಿಲೀಸ್‌ ಮೇಳ ಮುಂದುವರೆದಿದೆ. ಈಗಾಗಲೇ ಕನ್ನಡದ ಅನೇಕ ಸ್ಟಾರ್‌ಗಳ ಸಿನಿಮಾ ಗಳು ಮರುಬಿಡುಗಡೆ ಯಾಗಿವೆ. ಹಾಗಂತ ಯಾವ ಚಿತ್ರವೂ ದೊಡ್ಡ ಮಟ್ಟದ ಯಶಸ್ಸು ಕಂಡಿಲ್ಲ. ಆದರೆ, ಸದ್ಯ ಚಿತ್ರಮಂದಿರಗಳು ಸುಲಭವಾಗಿ ಸಿಗುತ್ತಿರುವ ಜೊತೆಗೆ ಸ್ಟಾರ್‌ಗಳ ಹೊಸ ಸಿನಿಮಾಗಳು ಇಲ್ಲದಿರುವುದರಿಂದ ಹಳೆಯ ಸಿನಿಮಾಗಳೇ ಮರುಬಿಡುಗಡೆ ಯಾಗುತ್ತಿವೆ. ಈ ಸಾಲಿಗೆ “ಹೆಬ್ಬುಲಿ’ ಚಿತ್ರ ಸೇರುತ್ತಿದೆ.

ಕಿಚ್ಚ ಸುದೀಪ್‌ ನಟನೆಯ “ಹೆಬ್ಬುಲಿ’ ಚಿತ್ರ ಆಗಸ್ಟ್‌ 2ರಂದು ಮರುಬಿಡು ಗಡೆ ಯಾಗುತ್ತಿದೆ. ಕೆ.ಜಿ.ರಸ್ತೆಯ ಪ್ರಮುಖ ಚಿತ್ರಮಂದಿರವಾದ ನರ್ತಕಿ ಚಿತ್ರ ಮಂದಿರದಲ್ಲಿ  ರೀರಿಲೀಸ್‌ ಆಗುತ್ತಿದ್ದು, ಮತ್ತೂಮ್ಮೆ ಅಭಿಮಾನಿಗಳ ಜೈ ಕಾರ “ಹೆಬ್ಬುಲಿ’ಗೆ ಸಿಗಲಿದೆ.

ಈ ಚಿತ್ರವನ್ನು ಕೃಷ್ಣ ನಿರ್ದೇಶನ ಮಾಡಿದ್ದರು. 2017ರಲ್ಲಿ ತೆರೆಕಂಡಿದ್ದ ಈ ಸಿನಿಮಾಕ್ಕೆ ಪ್ರೇಕ್ಷಕರು ಜೈ ಎನ್ನುವ ಮೂಲಕ ಚಿತ್ರ ಹಿಟ್‌ಲಿಸ್ಟ್‌ ಸೇರಿತ್ತು. ಚಿತ್ರದಲ್ಲಿ ರವಿಚಂದ್ರನ್‌ ಕೂಡಾ ಪ್ರಮುಖ ಪಾತ್ರ ಮಾಡಿದ್ದರು. ಅಮಲಾ ಪೌಲ್‌ ನಾಯಕಿಯಾಗಿ ನಟಿಸಿದ್ದು, ಸುದೀಪ್‌ ಈ ಚಿತ್ರದಲ್ಲಿ ಪ್ಯಾರ ಕಮಾಂಡೋ ಪಾತ್ರದಲ್ಲಿ ನಟಿಸಿದ್ದರು.

ಅಂದಹಾಗೆ, ಸದ್ಯ ಸುದೀಪ್‌ ಅವರ “ಮ್ಯಾಕ್ಸ್‌’ ಚಿತ್ರದ ಟೀಸರ್‌ ಬಿಡುಗಡೆಯಾಗಿದ್ದು, ಮಾಸ್‌ ಪ್ರೇಕ್ಷಕರನ್ನು ಸೆಳೆಯುತ್ತಿದೆ. ಮಾಸ್‌ ಅವತಾರದಲ್ಲಿ ಕಾಣಿಸಿಕೊಂಡಿರುವ ಕಿಚ್ಚ ಸುದೀಪ್‌ ಅವರನ್ನು ಕಂಡು ಅಭಿಮಾನಿಗಳು ಉತ್ಸುಕರಾಗಿದ್ದಾರೆ. ಟೀಸರ್‌ನಲ್ಲಿನ ಆ್ಯಕ್ಷನ್‌ ದೃಶ್ಯಗಳಿಗೆ ಫ್ಯಾನ್ಸ್‌ ಫಿದಾ ಆಗಿದ್ದು, ಸಿನಿಮಾಕ್ಕಾಗಿ ಎದುರು ನೋಡುತ್ತಿದ್ದಾರೆ.