20 ಆಪ್‌ ಶಾಸಕರ ಅನರ್ಹತೆ:ತೀರ್ಪು ಕಾದಿರಿಸಿದ ದಿಲ್ಲಿ ಹೈಕೋರ್ಟ್‌

ಹೊಸದಿಲ್ಲಿ : ಲಾಭದಾಯಕ ಹುದ್ದೆ ಹೊಂದಿರುವ ಕಾರಣಕ್ಕೆ ತಮ್ಮನ್ನು ಅನರ್ಹಗೊಳಿಸಲಾಗಿರುವುದನ್ನು ಪ್ರಶ್ನಿಸಿ 20 ಆಮ್‌ ಆದ್ಮಿ ಶಾಸಕರು ಸಲ್ಲಿಸಿರುವ ಅರ್ಜಿಯ ಮೇಲಿನ ತನ್ನ ಆದೇಶವನ್ನು ದಿಲ್ಲಿ ಹೈಕೋರ್ಟ್‌ ಕಾದಿರಿಸಿದೆ.

ಆಪ್‌ ಶಾಸಕರು, ಚುನಾವಣಾ ಆಯೋಗ ಮತ್ತು ಇತರ ಸಂಬಂಧಿತ ಪಕ್ಷಗಳು ತಮ್ಮ ವಾದವನ್ನು ಮುಗಿಸಿದ ಬಳಿಕ ಜಸ್ಟಿಸ್‌ ಸಂಜೀವ್‌ ಖನ್ನಾ ಮತ್ತು ಜಸ್ಟಿಸ್‌ ಚಂದರ್‌ ಶೇಖರ್‌ ಅವರನ್ನು ಒಳಗೊಂಡ ಪೀಠವು ತಮ್ಮ ತೀರ್ಪನ್ನು ಕಾದಿರಿಸಿತು. 

“ವಾದ-ಪ್ರತಿವಾದಗಳನ್ನು ಆಲಿಸಲಾಗಿದೆ; ತೀರ್ಪನ್ನು ಕಾದಿರಿಸಲಾಗಿದೆ’ ಎಂದು ಪೀಠವು ಹೇಳಿತು.