209 ಕೈದಿಗಳ ಬಿಡುಗಡೆ: ಕೇರಳ ಹೈಕೋರ್ಟ್‌ನಿಂದ ಎಲ್‌ಡಿಎಫ್ ಆದೇಶ ರದ್ದು

ಕೊಚ್ಚಿ : ಎಲ್‌ಡಿಎಫ್ ಸರಕಾರ 2011ರಲ್ಲಿ 209 ಕೈದಿಗಳನ್ನು, ಅವರ ಜೈಲು ಶಿಕ್ಷೆ ಅವಧಿ ಮುಗಿಯುವುದಕ್ಕೆ ಮುನ್ನವೇ, ಬಿಡುಗಡೆಗೊಳಿಸಿ ಹೊರಡಿಸಿದ ಆದೇಶವನ್ನು ಕೇರಳ ಹೈಕೋರ್ಟ್‌ ಇಂದು ಶುಕ್ರವಾರ ರದ್ದು  ಮಾಡಿದೆ.

ಮುಖ್ಯ ನ್ಯಾಯಾಧೀಶ ಹೃಷೀಕೇಶ್‌ ರಾಯ್‌ ನೇತೃತ್ವದ ಪೂರ್ಣ ಪೀಠವು ಸರಕಾರಕ್ಕೆ ಈ ಬಗ್ಗೆ ನಿರ್ದೇಶ ಹೊರಡಿಸಿ, ಆರು ತಿಂಗಳ ಒಳಗೆ ಕೈದಿಗಳ ಪೂರ್ಣ ಮಾಹಿತಿಯನ್ನು ಪರಿಶೀಲಿಸಿ, ಬಿಡುಗಡೆಗೆ ಅರ್ಹರಲ್ಲದವರ ವಿರುದ್ಧ ಸೂಕ್ತ ಕ್ರಮತೆಗೆದುಕೊಂಡು ಅವರು ತಮ್ಮ ಜೈಲು ಶಿಕ್ಷೆ ಅವಧಿ ಪೂರ್ಣಗೊಳಿಸುವಂತೆ ನೋಡಿಕೊಳ್ಳಬೇಕು ಎಂದು  ಹೇಳಿದೆ.