ಇಂಗ್ಲೆಂಡ್‌ ಏಕದಿನ ತಂಡದಿಂದ ಟಿ20 ಬ್ಲಾಸ್ಟ್‌ ತಂಡಕ್ಕೆ

ಲಂಡನ್‌: ಇಂಗ್ಲೆಂಡ್‌ ಏಕದಿನ ತಂಡದ ಮೂವರು ಆಟಗಾರರನ್ನು ಟಿ20 ಬ್ಲಾಸ್ಟ್‌ ಪಂದ್ಯಗಳಿಗಾಗಿ ಬಿಡುಗಡೆ ಗೊಳಿಸಲಾಗಿದೆ. ಇವರೆಂದರೆ ಹ್ಯಾರಿ ಬ್ರೂಕ್‌, ಫಿಲ್‌ ಸಾಲ್ಟ್ ಮತ್ತು ಮ್ಯಾಟ್‌ ಪಾರ್ಕಿನ್ಸನ್‌.

ಟಿ20 ಬ್ಲಾಸ್ಟ್‌ ಕೂಟದ 2 ಸೆಮಿ ಫೈನಲ್‌ ಮತ್ತು ಫೈನಲ್‌ ಜು. 16ರ ಶನಿವಾರ ನಡೆಯಲಿದೆ. ಇದು ಮುಗಿದ ಬೆನ್ನಲ್ಲೇ ಈ 3 ಆಟಗಾರರು ಇಂಗ್ಲೆಂಡ್‌ ತಂಡವನ್ನು ಕೂಡಿಕೊಳ್ಳಲಿದ್ದಾರೆ.

“ಶುಕ್ರವಾರ ಮೂವರೂ ತಮ್ಮ ತಂಡ ಗಳನ್ನು ಸೇರಿಕೊಳ್ಳಲು ಎಜ್‌ಬಾಸ್ಟನ್‌ಗೆ ತೆರಳಿದ್ದಾರೆ. ಈ ಪಂದ್ಯಗಳನ್ನು ಪೂರೈಸಿ ರವಿವಾರದ ಏಕದಿನ ಪಂದ್ಯಕ್ಕಾಗಿ ಮರಳಿ ಇಂಗ್ಲೆಂಡ್‌ ತಂಡವನ್ನು ಸೇರಿಕೊಳ್ಳುವರು’ ಎಂದು ಇಸಿಬಿ ಪ್ರಕಟಿಸಿದೆ.