Inzamam-ul-Haq: ನಮಾಜ್‌ ವೇಳೆ ಹರ್ಭಜನ್‌ ಮೌಲಾನರ ಮಾತು ಕೇಳುತ್ತಿದ್ದರು; ಇಂಜಮಾಮ್‌

ಮುಂಬಯಿ: ಭಾರತದ ಮಾಜಿ ಸ್ಟಾರ್‌ ಸ್ಪಿನ್ನರ್‌ ಹರ್ಭಜನ್‌ ಸಿಂಗ್‌ ಅವರ ಬಗ್ಗೆ  ಪಾಕಿಸ್ತಾನ ತಂಡದ ಮಾಜಿ ಕಪ್ತಾನ ಇಂಜಮಾಮ್‌ ಉಲ್‌ ಹಲ್‌ ಹಕ್ ನೀಡಿರುವ ಹೇಳಿಕೆಯೊಂದು ವೈರಲ್‌ ಆಗಿದ್ದು, ಅನೇಕರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಇಂಜಮಾಮ್‌ ಹೇಳಿದ್ದೇನು?: ಭಾರತ ಪಾಕಿಸ್ತಾನ ಸರಣಿಯ ವೇಳೆ ಭಾರತೀಯ ಮುಸ್ಲಿಂ ಆಟಗಾರರಿಗೆ ನಾವು ನಮ್ಮೊಂದಿಗೆ ನಮಾಜ್‌ ಮಾಡಿ ಎಂದು ಹೇಳುತ್ತಿದ್ದಿವಿ. ಮೌಲಾನ ತಾರಿಕ್‌ ಜಮೀಲ್‌  ನಮ್ಮ ಬಳಿ ಪ್ರತಿನಿತ್ಯ ಬರುತ್ತಿದ್ದರು. ಈ ವೇಳೆ ಅವರು ನಮಾಜ್‌ ಮಾಡಿಸಿ, ಇಸ್ಲಾಂ ಬಗ್ಗೆ ಮಾತನಾಡುತ್ತಿದ್ದರು. ಎರಡು – ಮೂರು ದಿನಗಳಲ್ಲಿ ಇರ್ಫಾನ್‌, ಪಠಾಣ್‌ , ಜಹೀರ್‌ ಖಾನ್‌ ಅವರು ನಮಾಜ್‌ ಮಾಡುವುದರ ಜೊತೆ ಮೌಲಾನ ಅವರ ಮಾತುಗಳನ್ನು ಕೇಳುತ್ತಿದ್ದರು. ಇದರ ಜೊತೆ ಎರಡೂ – ಮೂರು ಭಾರತೀಯ ಆಟಗಾರರು ಕೂಡ ಬರುತ್ತಿದ್ದರು. ಹರ್ಭಜನ್‌ ಸಿಂಗ್ ಅವರು ತಾರಿಕ್‌ ಜಮೀಲ್‌ ಅವರ ಮಾತು ಕೇಳಿ ನಾನು ಈ ಮನುಷ್ಯನ(ಜಮೀಲ್)‌ ಅವರ ಮಾತುಗಳನ್ನು ಕೇಳಬೇಕೆಂದು ನನ್ನ ಮನಸ್ಸು ಹೇಳುತ್ತದೆ. ಆದರೆ ನಿನ್ನನ್ನು ನೋಡಿ ನಾನು ನಿಲ್ಲುತ್ತೇನೆ. ನಿನ್ನ ಜೀವನ ಆ ರೀತಿಯಿಲ್ಲ ಎಂದು ನನ್ನ ಬಳಿ ಆತ ಹೇಳಿದ್ದ” ಎಂದಿದ್ದಾರೆ.

ಸಂದರ್ಶನವೊಂದರಲ್ಲಿ ಈ ರೀತಿ ಮಾತನಾಡಿದ್ದಾರೆ. ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಹರ್ಭಜನ್‌ ಗರಂ ಆಗಿದ್ದಾರೆ.

ʼಇಂಡಿಯಾ ಟುಡೇʼ ಜೊತೆ ಮಾತನಾಡಿದ ಅವರು,”ಯಾರಾದರೂ ಇಂಜಮಾಮ್ ಉಲ್ ಹಕ್ ಅವರನ್ನು ವೈದ್ಯರ ಬಳಿಗೆ ಕರೆದೊಯ್ಯಬೇಕು ಎಂದು ನಾನು ಹೇಳಬಯಸುತ್ತೇನೆ. ಅವರ ಮಾನಸಿಕ ಸ್ಥಿತಿ ಸರಿಯಿಲ್ಲ, ದಯವಿಟ್ಟು ಅವನನ್ನು ವೈದ್ಯರ ಬಳಿಗೆ ಕರೆದೊಯ್ಯಿರಿ. ನಾನು ಸಿಖ್ ಮತ್ತು ನಾನು ತುಂಬಾ ಸಂತೋಷವಾಗಿದ್ದೇನೆ” ಎಂದು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಮಾಧ್ಯಮಗಳ ಮುಂದೆ ಹೀಗೆ ನಾಟಕೀಯವಾಗಿ ಹೇಗೆ ಹೇಳಿಕೆ ನೀಡಿದ್ದಾರೆಂದು ನನಗೆ ಗೊತ್ತಿಲ್ಲ. ಬಹುಶಃ ಅವರು ಕುಡಿದಿದ್ದಾರೋ ಅಥವಾ ಧೂಮಪಾನ ಮಾಡಿದ್ದಾರೋ ಇರಬೇಕು. ಅವರು ನಶೆಯಲ್ಲಿ ಏನೇ ಹೇಳಿರಲಿ ಮರುದಿನ ಮುಂಜಾನೆ ಅವರಿಗೆ ನೆನಪೇ ಇರಲ್ಲ” ಎಂದು ವಾಗ್ದಾಳಿ ನಡೆಸಿದ್ದಾರೆ.

“ಮಾಧ್ಯಮಗಳ ಮುಂದೆ ಅವರು ಮಾಡುತ್ತಿರುವ ಈ ಎಲ್ಲಾ ನಾಟಕ, ಅವರು ಈ ಎಲ್ಲಾ ಹೇಳಿಕೆಗಳನ್ನು ಹೇಗೆ ನೀಡಲು ನಿರ್ಧರಿಸಿದ್ದಾರೆಂದು ನನಗೆ ತಿಳಿದಿಲ್ಲ, ಅವನು ಎಷ್ಟು ಕುಡಿದಿದ್ದಾನೆ ಅಥವಾ ಏನು ಧೂಮಪಾನ ಮಾಡುತ್ತಿದ್ದಾನೆ ಎಂದು ನನಗೆ ತಿಳಿದಿಲ್ಲ ಮತ್ತು ಅದರಲ್ಲಿ ಅವನು ಏನು ಹೇಳುತ್ತಾನೆ ಎಂಬುದು ನನಗೆ ಖಚಿತವಾಗಿದೆ. ಕುಡಿದ ಅಮಲಿನಲ್ಲಿ, ಮರುದಿನ ಬೆಳಿಗ್ಗೆ ಅವನಿಗೆ ಯಾವುದೂ ನೆನಪಿಲ್ಲ ಎಂದಿದ್ದಾರೆ.

ಇತ್ತೀಚೆಗಷ್ಟೇ ಇಂಜಮಾಮ್ ಪಿಸಿಬಿ ಮುಖ್ಯ ಆಯ್ಕೆಗಾರ ಹುದ್ದೆಗೆ ರಾಜೀನಾಮೆ ನೀಡಿದ್ದರು.