ಹರ್ಭಜನ್‌ ಸಿಂಗ್‌ ಐಪಿಎಲ್‌ ಇಲೆವೆನ್‌ಗೆ ಮಹೇಂದ್ರ ಸಿಂಗ್‌ ಧೋನಿ ನಾಯಕ

ಮುಂಬಯಿ: ಐಪಿಎಲ್‌ನ ಯಶಸ್ವಿ ಆಟಗಾರರಲ್ಲಿ ಹರ್ಭಜನ್‌ ಸಿಂಗ್‌ ಕೂಡ ಒಬ್ಬರು. 2008ರ ಆರಂಭದ ಕೂಟದಿಂದ 2017ರ ತನಕ ಇವರು ಮುಂಬೈ ಇಂಡಿಯನ್ಸ್‌ ತಂಡದ ಖಾಯಂ ಸದಸ್ಯ. ಕೆಲವು ಪಂದ್ಯಗಳಲ್ಲಿ ತಂಡದ ನಾಯಕತ್ವವನ್ನೂ ಯಶಸ್ವಿಯಾಗಿ ನಿಭಾಯಿಸಿದ್ದರು.

ಮುಂದಿನ 3 ವರ್ಷಗಳ ಕಾಲ ಚೆನ್ನೈ ಸೂಪರ್‌ ಕಿಂಗ್ಸ್‌ ಪರ ಆಡಿದರು. 2021ರಲ್ಲಿ ಕೋಲ್ಕತಾ ನೈಟ್‌ರೈಡರ್ ಪಾಲಾದರು. 41 ವರ್ಷದ ಭಜ್ಜಿ ಐಪಿಎಲ್‌ ಪಾಲಿಗೆ ಈಗ ಮಾಜಿ ಆಟಗಾರ.

ಇದನ್ನೂ ಓದಿ:ಪಾಕಿಸ್ತಾನ: ಕರಾಚಿ ಯೂನಿರ್ವಸಿಟಿ ಆವರಣದಲ್ಲಿ ಸ್ಫೋಟ, ನಾಲ್ವರು ಸಾವು, ಹಲವರು ಗಂಭೀರ

ಈ ಸಂದರ್ಭದಲ್ಲಿ ಹರ್ಭಜನ್‌ ಸಿಂಗ್‌ ತಮ್ಮ ಸಾರ್ವಕಾಲಿಕ ಶ್ರೇಷ್ಠ ಐಪಿಎಲ್‌ ಇಲೆವೆನ್‌ ತಂಡವೊಂದನ್ನು ಪ್ರಕಟಿಸಿದ್ದಾರೆ. ಇದಕ್ಕೆ ಮಹೇಂದ್ರ ಸಿಂಗ್‌ ಧೋನಿ ನಾಯಕರಾಗಿದ್ದಾರೆ.

ಹರ್ಭಜನ್‌ ಐಪಿಎಲ್‌ ಇಲೆವೆನ್‌ ಹೀಗಿದೆ: ಕ್ರಿಸ್‌ ಗೇಲ್‌, ರೋಹಿತ್‌ ಶರ್ಮ, ವಿರಾಟ್‌ ಕೊಹ್ಲಿ, ಶೇನ್‌ ವಾಟ್ಸನ್‌, ಎಬಿ ಡಿ ವಿಲಿಯರ್, ಮಹೇಂದ್ರ ಸಿಂಗ್‌ ಧೋನಿ (ನಾಯಕ, ವಿ.ಕೀ.), ರವೀಂದ್ರ ಜಡೇಜ, ಕೈರನ್‌ ಪೊಲಾರ್ಡ್‌, ಸುನೀಲ್‌ ನಾರಾಯಣ್‌, ಲಸಿತ ಮಾಲಿಂಗ, ಜಸ್‌ಪ್ರೀತ್‌ ಬುಮ್ರಾ.