ಡಾಲಿ ಧನಂಜಯ್ ಗೆ ಬರ್ತ್ ಡೇ ಸಂಭ್ರಮ: ಚಿತ್ರತಂಡಗಳಿಂದ ಪೋಸ್ಟರ್ ಉಡುಗೊರೆ !

ಬೆಂಗಳೂರು: ಸ್ಯಾಂಡಲ್​ವುಡ್  ನಟ ಡಾಲಿ ಧನಂಜಯ್ ಇಂದು ತಮ್ಮ  ಹುಟ್ಟುಹಬ್ಬದ ಸಂಭ್ರಮದಲ್ಲಿದ್ದಾರೆ. ಅಭಿಮಾನಿಗಳು ಸಾಮಾಜಿಕ  ಜಾಲಾತಾಣದಲ್ಲಿ ತಮ್ಮ ನೆಚ್ಚಿನ ನಟನಿಗೆ ಶುಭಾಶಯಗಳ ಮಹಾಪೂರವನ್ನೇ ಹರಿಸುತ್ತಿದ್ದಾರೆ.

ಏತನ್ಮಧ್ಯೆ ಸಿನಿಮಾ ತಂಡಗಳೂ ಕೂಡ ಡಾಲಿ ಬರ್ತ್ ಡೇ ಗೆ ವಿಶೇಷವಾಗಿ ಶುಭ ಕೋರಿವೆ, ಬಗೆಬಗೆ ಪೋಸ್ಟರ್​ಗಳನ್ನು ಬಿಡುಗಡೆ ಮಾಡಿದ್ದು   ವೈರಲ್ ಆಗುತ್ತಿವೆ.

ರೋಹಿತ್ ಪದಕಿ ನಿರ್ದೇಶನದ, ಯೋಗಿ ಜಿ ರಾಜ್ ಹಾಗು ಕಾರ್ತಿಕ್ ಗೌಡ ನಿರ್ಮಾಣದ ‘ರತ್ನನ್ ಪ್ರಪಂಚ’ದ ತಂಡ ಕೂಡ ಪೋಸ್ಟರ್ ಬಿಡುಗಡೆಮಾಡಿದೆ.

ಮಾತ್ರವಲ್ಲದೆ ಸಂತೋಷ್​ ಆನಂದ್​ ರಾಮ್ ನಿರ್ದೇಶನದ ಯುವರತ್ನ, ದುನಿಯಾ ವಿಜಯ್ ನಾಯಕತ್ವದ ಸಲಗ, ಅಶು ಬೆದ್ರ ನಿರ್ಮಾಣ ಮಾಡುತ್ತಿರುವ ಹೆಡ್​ ಬುಷ್, ಬಡವ ರಾಸ್ಕಲ್​ ಮತ್ತು ಡಾಲಿ ಸಿನಿಮಾ ತಂಡಗಳು ಹೊಸ ಪೋಸ್ಟರ್ ರಿಲೀಸ್​ ಮಾಡಿಕೊಂಡು ನೆಚ್ಚಿನ ನಟನ ಜನ್ಮದಿನಕ್ಕೆ ಹಾರೈಸಿವೆ.