Advertisement
ಹ್ಯಾಂಗ್ಯೋ ಐಸ್‌ಕ್ರೀಮ್ಸ್‌ ಸಂಸ್ಥೆಯ ಬಲವಾದ ಬೆಳವಣಿಗೆ ಹಾಗೂ ಮಾರುಕಟ್ಟೆ ಸಾಮರ್ಥ್ಯವನ್ನು ಗಮನದಲ್ಲಿರಿಸಿ ಫೇರಿಂಗ್‌ ಕ್ಯಾಪಿಟಲ್‌ ಈ ಹೂಡಿಕೆಗೆ ಮುಂದಾಗಿದೆ.
Related Articles
Advertisement
ಹಾಂಗ್ಯೋ ಕಾರ್ಯತಂತ್ರ ಸಲಹೆಗಾರ ಉಲ್ಲಾಸ್‌ ಕಾಮತ್‌ ಮಾತನಾಡಿ, ನಾವು ಐಸ್‌ಕ್ರೀಮ… ಉದ್ಯಮದಲ್ಲಿ ಅಗಾಧವಾದ ಮಾರುಕಟ್ಟೆ ಹಿಡಿತ ಹೊಂದಿದ್ದೇವೆ. ಫೇರಿಂಗ್‌ ಕ್ಯಾಪಿಟಲ್‌ ಪಾಲುದಾರಿಕೆಯು ದೇಶಾದ್ಯಂತ ಬಲವಾದ ಬ್ರ್ಯಾಂಡ್ ರೂಪಿಸಲು ಸಾಧ್ಯವಾಗಲಿದೆ ಎಂದು ಸಂತಸ ವ್ಯಕ್ತಪಡಿಸಿದರು.
ಹ್ಯಾಂಗ್ಯೋ ಐಸ್‌ಕ್ರೀಂ ಕರ್ನಾಟಕ, ಕೇರಳ, ತಮಿಳುನಾಡು, ಗೋವಾ, ಆಂಧ್ರಪ್ರದೇಶ, ತೆಲಂಗಾಣ, ಮಹಾರಾಷ್ಟ್ರಗಳ ಸುಮಾರು 350 ಜಿಲ್ಲೆಗಳಲ್ಲಿ 30 ಸಾವಿರಕ್ಕೂ ಅಧಿಕ ವಿತರಕರನ್ನು ಹೊಂದಿದೆ. ಆಧುನಿಕ ಹಾಗೂ ಆನ್‌ಲೈನ್‌ ವ್ಯವಹಾರದ ಮೂಲಕ ಕಪ್‌, ಕೋನ್‌ಗಳು, ಟ್ಯೂಬ್‌ಗಳು, ಕುಲ್ಫಿ ಸಹಿತ ವಿವಿಧ ಬಗೆಯ ಸುಮಾರು 1.2 ಲಕ್ಷ ಲೀಟರ್‌ ಐಸ್‌ಕ್ರೀಂಗಳನ್ನು ನಿತ್ಯ ಗ್ರಾಹಕರಿಗೆ ವಿತರಿಸುತ್ತಿದೆ.
ಮುಂದಿನ ಬೆಳವಣಿಗೆಗಾಗಿ ಫೇರಿಂಗ್‌ ಕ್ಯಾಪಿಟಲ್‌ ಜತೆ ಪಾಲುದಾರಿಕೆ ಹೊಂದಲು ಮುಂದಾಗಿದ್ದೇವೆ. ಹ್ಯಾಂಗ್ಯೋ ತನ್ನ ಉತ್ಪಾದನ ಸಾಮರ್ಥ್ಯಗಳನ್ನು ಹೆಚ್ಚಿಸಲು, ಹೊಸ ಉತ್ಪನ್ನ ತಯಾರಿಸಲು ಮತ್ತು ದಕ್ಷಿಣ ಭಾರತದ ಪ್ರಮುಖ ಮಾರುಕಟ್ಟೆಗಳಲ್ಲಿ ತನ್ನ ಅಸ್ತಿತ್ವವನ್ನು ವಿಸ್ತರಿಸಲು ಫೇರಿಂಗ್‌ ಕ್ಯಾಪಿಟಲ್‌ನಿಂದ ಸಂಗ್ರಹಿಸಿದ ಬಂಡವಾಳ ಸಹಕಾರಿಯಾಗಲಿದೆ.– ಪ್ರದೀಪ್‌ ಪೈ, ಸಂಸ್ಥಾಪಕ, ಎಂ.ಡಿ., ಹಾಂಗ್ಯೋ ಐಸ್‌ಕ್ರೀಮ್ಸ್‌ ಹ್ಯಾಂಗ್ಯೋ ಐಸ್‌ಕ್ರೀಮ್ಸ್‌ ವೇಗವಾಗಿ ಬೆಳೆಯುತ್ತಿರುವ ಮತ್ತು ಲಾಭದಾಯಕ ಗ್ರಾಹಕ ಕಂಪೆನಿಯಾಗಿದೆ. ಇದು ಅತ್ಯಾಧುನಿಕ ಉತ್ಪಾದನೆ, ವಿತರಣೆ ಮತ್ತು ಗ್ರಾಹಕರ ಬೆಂಬಲದೊಂದಿಗೆ ಉತ್ಪನ್ನಗಳ ಗುಣಮಟ್ಟದಲ್ಲಿ ಸ್ಥಿರತೆ ಕಂಡುಕೊಂಡಿದೆ. ಮುಂದಿನ ಬೆಳವಣಿಗೆಗೆ ಹ್ಯಾಂಗ್ಯೋ ಜತೆ ಫೇರಿಂಗ್‌ ಕ್ಯಾಪಿಟಲ್‌ ಪಾಲುದಾರಿಕೆ ಮಾಡಿಕೊಳ್ಳುತ್ತದೆ.
– ಸಮೀರ್‌ ಶ್ರಾಫ್, ಸಹ ಸಂಸ್ಥಾಪಕ ಮತ್ತು ಎಂ.ಡಿ., ಫೇರಿಂಗ್‌ ಕ್ಯಾಪಿಟಲ್‌