ಹಳ್ಳಿ ಸೊಗಡುಗೆ ಯು ಸರ್ಟಿಫಿಕೆಟ್‌ 

ರಾಜೇಂದ್ರ ಸೂರಿ ಪ್ರೊಡಕ್ಷನ್ಸ್‌ ಲಾಂಛನದಲ್ಲಿ ಪಿ. ಸತೀಶ್‌ಕುಮಾರ್‌ ಮೆಹತಾ ನಿರ್ಮಿಸುತ್ತಿರುವ “ಹಳ್ಳಿ ಸೊಗಡು’ ಚಿತ್ರಕ್ಕೆ ಕಳೆದವಾರ ಸೆನ್ಸಾರ್‌ ಮಂಡಳಿ ವೀಕ್ಷಿಸಿ ‘ಯು’ ಸರ್ಟಿಫಿಕೆಟ್‌ ನೀಡಿದೆ. ಸಾಹಿತಿ ಡಾ. ಡೊಡ್ಡರಂಗೇಗೌಡರ ಅಭಿಮಾನಿಯೊಬ್ಬನ ಕುರಿತಾದ ಹಳ್ಳಿ ಸೊಗಡು ಚಿತ್ರವನ್ನು ಅವರ ಹುಟ್ಟುಹಬ್ಬದ ದಿನವಾದ ಫೆಬ್ರವರಿ ತಿಂಗಳಲ್ಲಿ ಬಿಡುಗಡೆಮಾಡುವುದಾಗಿ ನಿರ್ಮಾಪಕರು ತಿಳಿಸಿದ್ದಾರೆ.

ಕಪಿಲ್‌ ಕಥೆ-ಚಿತ್ರಕಥೆ ರಚಿಸಿ, ನೃತ್ಯ ನಿರ್ದೇಶನದೊಂದಿಗೆ ನಿರ್ದೇಶನ ಮಾಡುತ್ತಿರುವ ಈ ಚಿತ್ರಕ್ಕೆ ಶ್ರೀನಾಥ್‌ ರಾವ್‌ ಛಾಯಾಗ್ರಹಣ, ರಾಘರಮಣ ಸಂಗೀತ, ಕೆ.ಬಿ.ಪಂಕಜ ಸಂಭಾಷಣೆ, ಹೆಚ್‌.ಎನ್‌.ದತ್ತಾತ್ರೇಯ, ಕೆ.ಎಸ್‌.ಮಹಂತೇಶ್‌, ಬಿ.ಎನ್‌.ಸ್ವಾಮಿ, ರಚನಾ ರಂಗನಾಥ್‌, ಸಹನಿರ್ಮಾಪಕರಾಗಿದ್ದು, ಪ್ರಭಾಕರ್‌ ಆರ್‌ ಸಂಕಲನ, ಡಾ. ಡೊಡ್ಡರಂಗೇಗೌಡ, ಡಾ. ಭರತ್‌ ಡೊಡ್ಡರಂಗೇಗೌಡ, ಉದಯಲೇಖರವರ ಸಾಹಿತ್ಯವಿದೆ. ಅರವ್‌ಸೂರ್ಯ, ಅಕ್ಷರಾ, ಡಿಂಗ್ರಿ ನಾಗರಾಜ್‌, ಶಂಕರ್‌ಭಟ್‌, ರಮಾನಂದ್‌, ಅರವಿಂದ್‌, ಮೈಕಲ್‌ ಮಧು ನಟಿಸಿದ್ದಾರೆ.