ಜೆಯುಡಿ ಮುಖ್ಯಸ್ಥ ಹಾಫೀಜ್‌ ಸಯೀದ್‌ ನ ಭಾವ ಅಬ್ದುರ್‌ ರೆಹಮಾನ್‌ ಮಕ್ಕಿ ಅರೆಸ್ಟ್‌

ಲಾಹೋರ್‌ : ಪಾಕಿಸ್ಥಾನ ಸರಕಾರವನ್ನು ಟೀಕಿಸಿ, ದ್ವೇಷ ಕಾರುವ ಭಾಷಣ ಮಾಡಿದ್ದಕ್ಕಾಗಿ ನಿಷೇಧಿತ ಜಮಾತ್‌ ಉದ್‌ ದಾವಾ ಉನ್ನತ ನಾಯಕ ಮತ್ತು ಮುಂಬಯಿ ಉಗ್ರ ದಾಳಿಯ ಸೂತ್ರಧಾರ ಹಾಫೀಜ್‌ ಸಯೀದ್‌ ನ ಭಾವ ಹಾಫೀಜ್‌ ಅಬ್ದುರ್‌ ರೆಹಮಾನ್‌ ಮಕ್ಕಿ ಯನ್ನು ಪೊಲೀಸರು ಬಂಧಿಸಿದ್ದಾರೆ.

ಜೆಯುಡಿ ಇದರ ರಾಜಕೀಯ ಮತ್ತು ಅಂತಾರಾಷ್ಟ್ರೀಯ ವ್ಯವಹಾರಗಳ ವಿಭಾಗದ ಮುಖ್ಯಸ್ಥ ಮತ್ತು ಇದರ ದಾನ ಸಂಸ್ಥೆಯಾಗಿರುವ ಫ‌ಲಾಹ್‌ ಎ ಇನ್‌ಸಾನಿಯತ್‌ ಪ್ರತಿಷ್ಠಾನದ ಪ್ರಭಾರಿಯಾಗಿರುವ ಮಕ್ಕಿಯನ್ನು ಪೊಲೀಸರು ನಿಷೇಧಿತ ಸಂಘಟನೆಗಳ ವಿರುದ್ಧದ ಕಾರ್ಯಾಚರಣೆ ವೇಳೆ ಬಂಧಿಸಿದರು.

ಲಾಹೋರ್‌ನಿಂದ 80 ಕಿ.ಮೀ. ದೂರದ ಗುಜರನ್‌ವಾಲಾ ಪಟ್ಟಣದಲ್ಲಿ ಮಾಡಿದ್ದ ದ್ವೇಷ ಕಾರುವ ಭಾಷಣಕ್ಕಾಗಿ ಮಕ್ಕಿಯ ಬಂಧನವಾಗಿರುವುದನ್ನು ಪಂಜಾಬ್‌ ಪೊಲೀಸ್‌ ವಕ್ತಾರ ನಬೀಲಾ ಘಜನ್‌ಫ‌ರ್‌ ದೃಢೀಕರಿಸಿದ್ದಾರೆ.