ಅಂತಿಮ ಯಾತ್ರೆಗೆ ಎಸಿ ವಾಹನ! ಗುಜರಾತ್‌ನ ವಡೋದಾರ ಜಿಲ್ಲೆಯಲ್ಲಿ ಗ್ರಾಮದ ವ್ಯವಸ್ಥೆ

ವಡೋದರಾ: ಅಂತಿಮ ವಿಧಿ-ವಿಧಾನಗಳನ್ನು ನಡೆಸಲು ಶ್ಮಶಾನಕ್ಕೆ ಮೃತದೇಹವನ್ನು ಕೊಂಡೊಯ್ಯಲು ವಿಶೇಷವಾಗಿ ವಿನ್ಯಾಸಗೊಳಿಸಿರುವ ಏರ್‌ ಕಂಡೀಷನ್‌ ವಾಹನವನ್ನು ಗುಜರಾತ್‌ನ ವಡೋದರಾ ಜಿಲ್ಲೆಯ ಶಿನೋರ್‌ ತಾಲೂಕಿನ ಮೋಟಾ ಫೋಫಾಲಿಯಾ ಗ್ರಾಮದ ಗ್ರಾಮಸ್ಥರು ಬಳಸುತ್ತಿದ್ದಾರೆ. ಅಂತಿಮ ಯಾತ್ರೆಗೆ ಏಸಿ ವಾಹನ ಬಳಸುತ್ತಿರುವ ಗುಜರಾತ್‌ನ ಮೊದಲ ಗ್ರಾಮ ಇದಾಗಿದೆ.

ಶಕ್ತಿಕೃಪ ಚಾರಿಟೆಬಲ್‌ ಟ್ರಸ್ಟ್‌ ವತಿಯಿಂದ ಶಿನೋರ್‌ ತಾಲೂಕಿನ ನಾಗರಿಕರ ಅನುಕೂಲಕ್ಕಾಗಿ ಈ ವಿಶೇಷ ಹವಾನಿಯಂತ್ರಿತ ಶವ ವಾಹನವನ್ನು ವ್ಯವಸ್ಥೆ ಮಾಡಲಾಗಿದೆ.

ಪೂರ್ಣ ಉಚಿತ:
ಮಡಿದವರ ಅಂತಿಮ ವಿಧಿ-ವಿಧಾನವನ್ನು ಘನತೆಯಿಂದ ನಡೆಸುವಂತಾಗಲು ಈ ವ್ಯವಸ್ಥೆ ಕಲ್ಪಿಸಲಾಗಿದೆ ಎಂದಿದ್ದಾರೆ ಶಕ್ತಿಕೃಪ ಟ್ರಸ್ಟ್‌ನ ಮ್ಯಾನೇಜಿಂಗ್‌ ಟ್ರಸ್ಟಿ ಜಿತುಭಾಯ್‌ ಪಟೇಲ್‌. “ಈ ಸೇವೆಯು ಸಂಪೂರ್ಣವಾಗಿ ಉಚಿತವಾಗಿದ್ದು, ಯಾರು ಬೇಕಾದರೂ ವಾಹನವನ್ನು ಈ ಕಾರ್ಯಕ್ಕಾಗಿ ಬಳಸಿಕೊಳ್ಳಬಹುದಾಗಿದೆ. ನಮ್ಮ ಟ್ರಸ್ಟ್‌ನಿಂದ ಈ ಪ್ರದೇಶದ ನಿವಾಸಿಗಳಿಗೆ ವೈದ್ಯಕೀಯ ಸೇವೆ ಕಲ್ಪಿಸಲಾಗಿದೆ.

ಈ ಮೊದಲು ಶ್ಮಶಾನಕ್ಕೆ ಶವವನ್ನು ಸಾಗಿಸಲು ಗ್ರಾಮಸ್ಥರು ಟ್ರ್ಯಾಕ್ಟರ್‌ಗಳನ್ನು ಬಳಸುತ್ತಿದ್ದರು. ತಮ್ಮ ಪ್ರೀತಿ ಪಾತ್ರರ ಅಂತಿಮ ವಿಧಿ-ವಿಧಾನವನ್ನು ಗೌರವದಿಂದ ನಡೆಸುವಂತಾಗಲು ಈ ರೀತಿ ವಿಶೇಷ ವಾಹನದ ವ್ಯವಸ್ಥೆ ಮಾಡಲಾಗಿದೆ,’ ಎಂದು ಟೇಲ್‌ ತಿಳಿಸಿದರು.