ಗುಜರಾತ್: ಚಿರತೆಗೆ ಆಹಾರವಾದ 2 ವರ್ಷದ ಬಾಲಕ, ವಾರದೊಳಗೆ 3ನೇ ಘಟನೆ

ಅಮ್ರೇಲಿ: ಗುಜರಾತ್‌ನ ಅಮ್ರೇಲಿ ಜಿಲ್ಲೆಯಲ್ಲಿ ಎರಡು ವರ್ಷದ ಬಾಲಕನನ್ನು ಚಿರತೆಯೊಂದು ಕೊಂದು ಹಾಕಿದೆ ಎಂದು ಅರಣ್ಯಾಧಿಕಾರಿಯೊಬ್ಬರು ಭಾನುವಾರ ತಿಳಿಸಿದ್ದಾರೆ.ಅಮ್ರೇಲಿಯಲ್ಲಿ ಒಂದು ವಾರದಲ್ಲಿ ಮಕ್ಕಳ ಮೇಲೆ ಚಿರತೆಗಳ ದಾಳಿ ನಡೆದ ಮೂರನೇ ಘಟನೆ ಇದಾಗಿದೆ.

ಇತ್ತೀಚಿನ ಘಟನೆ ಶನಿವಾರ ತಡರಾತ್ರಿ ರಾಜುಲಾ ವ್ಯಾಪ್ತಿಯ ಅರಣ್ಯ ವ್ಯಾಪ್ತಿಯ ಕಟಾರ್ ಗ್ರಾಮದ ಗುಡಿಸಲಿನಲ್ಲಿ ತನ್ನ ಕುಟುಂಬ ಸದಸ್ಯರೊಂದಿಗೆ ಮಲಗಿದ್ದಾಗ ನಡೆದಿದೆ. ಚಿರತೆ ಬಾಲಕನ ಕತ್ತು ಹಿಡಿದು ಸಮೀಪದ ಪೊದೆಗಳಿಗೆ ಎಳೆದೊಯ್ದಿದೆ. ಮಗುವಿನ ಕುಟುಂಬ ಸದಸ್ಯರು ಬೊಬ್ಬಿಟ್ಟಾಗ ಚಿರತೆ ಹುಡುಗನನ್ನು ಬೀಳಿಸಿ ಪರಾರಿಯಾಗಿದೆ ಎಂದು ಅಧಿಕಾರಿ ತಿಳಿಸಿದ್ದಾರೆ.

ಕುತ್ತಿಗೆಗೆ ತೀವ್ರವಾಗಿ ಗಾಯಗೊಂಡ ಮಗುವನ್ನು ಸಮೀಪದ ಮಹುವಾ ಪಟ್ಟಣದ ಸರ್ಕಾರಿ ಆಸ್ಪತ್ರೆಗೆ ಸಾಗಿಸಲಾಯಿತು, ಅಲ್ಲಿ ವೈದ್ಯರು ಮೃತಪಟ್ಟಿದ್ದಾನೆ ಎಂದು ಹೇಳಿದ್ದಾರೆ.

ಕಳೆದ ಸೋಮವಾರ ಜಿಲ್ಲೆಯ ಸಾವರಕುಂಡ್ಲಾ ತಾಲೂಕಿನ ಕಾರಜಾಲ ಗ್ರಾಮದಲ್ಲಿ ಚಿರತೆ ದಾಳಿಗೆ ಮೂರು ವರ್ಷದ ಬಾಲಕ ಮೃತಪಟ್ಟಿದ್ದ. ಮಂಗಳವಾರ, ಅಮ್ರೇಲಿಯ ಲಿಲಿಯಾ ತಾಲೂಕಿನ ಖಾರಾ ಗ್ರಾಮದ ಬಳಿ ತೆರೆದ ಪ್ರದೇಶದಲ್ಲಿ ತನ್ನ ಕುಟುಂಬದೊಂದಿಗೆ ಮಲಗಿದ್ದಾಗ ಐದು ತಿಂಗಳ ಗಂಡು ಮಗುವನ್ನು ಹೆಣ್ಣುಸಿಂಹ ಕೊಂದು ಹಾಕಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.