1 ಲಕ್ಷ ಕೋಟಿ ಮೀರಿದ ಜಿಎಸ್‌ಟಿ

ಹೊಸದಿಲ್ಲಿ: ಕಳೆದ ತಿಂಗಳು ಸರಕು ಮತ್ತು ಸೇವಾ ತೆರಿಗೆಯಿಂದ (ಜಿಎಸ್‌ಟಿ) 1,03,184 ಕೋಟಿ ರೂ.ನಷ್ಟು ಹಣ ಸಂಗ್ರಹವಾಗಿದೆ. 2019ರ ನವೆಂಬರ್‌ನಲ್ಲಿ 1,03,492 ಕೋಟಿ ರೂ. ಸಂಗ್ರಹವಾಗಿತ್ತು. ಆ ಮೊತ್ತಕ್ಕೆ ಹೋಲಿಸಿದರೆ, 308 ಕೋಟಿ ರೂ. ಕೊರತೆಯಾಗಿದ್ದರೂ ಸತತ ಎರಡು ಬಾರಿ 1 ಲಕ್ಷ ಕೋಟಿ ರೂ. ಮೀರಿದ ಜಿಎಸ್‌ಟಿ ಸಂಗ್ರಹವಾಗಿರುವುದು ತೃಪ್ತಿಕರವಾಗಿದೆ.

2019ರ ಜುಲೈನಲ್ಲಿ 1.02 ಲಕ್ಷ ಕೋಟಿ ರೂ. ದಾಟಿದ್ದು ಬಿಟ್ಟರೆ ಅನಂತರ ನವೆಂಬರ್‌ವರೆಗೆ ಆ ಸಾಧನೆ ಆಗಿರಲಿಲ್ಲ. ಈಗ ಸತತವಾಗಿ ಎರಡು ಬಾರಿ 1 ಲಕ್ಷ ರೂ. ಗಡಿ ಮೀರಿದ ತೆರಿಗೆ ಸಂಗ್ರಹವಾಗಿರುವುದು ದೇಶೀಯ ಮಾರುಕಟ್ಟೆಯಲ್ಲಿ ಲವಲವಿಕೆ ಬಂದಿ ರುವುದನ್ನು ಸಾಬೀತುಪಡಿಸಿದೆ ಎಂದು ಕೇಂದ್ರ ವಿತ್ತ ಸಚಿವಾಲಯ ಹೇಳಿದೆ.